بۇگىن – بۇرىنعى قورعانىس ءمينيسترى، حالىق قاھارمانى ءسات توقپاقباەۆتىڭ تۋعان كۇنى. سانالى ءومىرىن ەلىمىزدىڭ قاۋىپسىزدىك سالاسىن بەكەمدەۋگە ارناعان ءسات توقپاقباەۆ 85 جاسقا تولىپ جاتىر.
ءسات بەسىمبايۇلى توقپاقباەۆ 1939 جىلعى 17 قىركۇيەكتە الماتى وبلىسى ىلە اۋدانىنىڭ قازتسيك اۋىلىندا دۇنيەگە كەلگەن.
1963 جىلى س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىن زاڭگەر ماماندىعى بويىنشا، كسرو مقك №302 مينسك مەكتەبىن، 1971 جىلى كسرو ءسىم جوعارى ديپلوماتيالىق مەكتەبىن تامامداعان.
1991 جىلعا دەيىن كوكپ مۇشەسى، 1956 جىلدان — الماتى وبلىسى ىلە اۋدانىنىڭ «كومسومول» ۇجىمشارىندا جۇمىسشى، 1957 جىلدان — الماتى وبلىسىنداعى بورالداي كىرپىش زاۋىتىنىڭ ۆاگونشى-جۇمىسكەرى بولعان.
1958 جىلى س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ ستۋدەنتى، 1963 جىلدىڭ شىلدە ايىنان باستاپ الماتى وبلىستىق پروكۋراتۋراسىنىڭ تەرگەۋشىسى، 1963 جىلدىڭ قىركۇيەك ايىنان باستاپ كسرو مقك №302 مينسك مەكتەبىنىڭ كۋرسانتى; كسرو مقك كادرلىق وفيتسەرى، جەدەل وكىلدەن قازكسر مقك باسقارماسىنىڭ باستىعى لاۋازىمىنا دەيىنگى قىزمەت جولىن وتكەن.
1991 جىلدىڭ قاراشا ايىنان باستاپ الماتى قالاسى جانە الماتى وبلىسى بويىنشا قر مقك باسقارماسىنىڭ باستىعى، 1993 جىلدىڭ ماۋسىم ايىنان — قر ۇقك توراعاسىنىڭ ءبىرىنشى ورىنباسارى، 1993 جىلدىڭ جەلتوقسان ايىنان — قر ۇقك توراعاسى، 1995 جىلدىڭ قاراشا ايىنان — قر پرەزيدەنتى كۇزەت قىزمەتىنىڭ باستىعى — قر رەسپۋبليكالىق گۆاردياسىنىڭ قولباسشىسى مىندەتىن اتقارۋشى قىزمەتتەرىندە بولدى.
1997 جىلدىڭ ناۋرىز ايىنان — قر رەسپۋبليكالىق گۆاردياسىنىڭ قولباسشىسى، 1999 جىلدىڭ قازان ايىنان قر قورعانىس ءمينيسترى، 2001 جىلدىڭ جەلتوقسان ايىنان قر پرەزيدەنتىنىڭ كەڭەسشىسى — سىبايلاس جەمقورلىققا قارسى كۇرەس جانە قر مەملەكەتتىك قىزمەتكەرلەرىنىڭ قىزمەتتى جونىندەگى كوميسسيانىڭ توراعاسى — قر پرەزيدەتى جانىنداعى ازاماتتىق ماسەلەلەرى جونىندەگى كوميسسيانىن توراعاسى، 2002 جىلدىڭ قىركۇيەك ايىنان — «ەۋرو-ازيا ەير ينتەرنەشنل» ااق حالىقارالىق ەۋرازيالىق اۋە كومپانياسى ديرەكتورلار كەڭەسىنىڭ توراعاسى، 2007-2011 جىلدارى — قر پارلامەنتى ءماجىلىسى 4-شاقىرىلىمىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى بولدى.
«داڭق» (1997), «بارىس» (2008) وردەندەرىمەن; 14 مەدالمەن ماراپاتتالعان.
ايتا كەتسەك، كەشە مەملەكەت باسشىسى قاسىم-جومارت توقاەۆ حالىق قاھارمانى ءسات توقپاقباەۆقا ايرىقشا ەرەكشەلىك بەلگىسى – «التىن جۇلدىز» بەن «وتان» وردەندەرىن سالتاناتتى تۇردە تابىستادى. بۇل تۋرالى اقوردا مالىمدەدى.
جيىندا پرەزيدەنت قاسىم-جومارت توقاەۆ ءسات توقپاقباەۆتى قالىڭ جۇرتشىلىق قۇرمەتتەيتىنىن، ونىڭ ەڭبەك جولى ەل ومىرىمەن تىعىز بايلانىستى بولعانىن ايتتى.
ء“سىز قاستەرلى وتانىمىزعا ادال قىزمەت ەتتىڭىز. ەندى عانا تاۋەلسىزدىك الىپ، دەربەس مەملەكەت بولعان جىلدارى اسا جاۋاپتى مىندەتتەردى اتقارۋعا بىلەك سىبانا كىرىسىپ كەتتىڭىز. ەلىمىزدىڭ تىنىشتىعى مەن تۇتاستىعىن ساقتاۋ ءۇشىن وراسان زور ۇلەس قوستىڭىز. شىن مانىندە، مۇنى ناعىز ەرلىك دەپ باعالاۋعا بولادى. قازىر دە قوعامعا پايدالى ىستەردى اتقارىپ جۇرگەنىڭىزدى ءبىز جاقسى بىلەمىز. ەلىمىزدىڭ لايىق ازاماتىسىز”، – دەدى مەملەكەت باسشىسى.
