سۋ رەسۋرستارى جانە يرريگاتسيا مينيسترلىگى سۋ رەسۋرستارىنىڭ ۇلتتىق اقپاراتتىق جۇيەسىن ازىرلەۋدى جالعاستىرىپ جاتىر. بۇگىنگى تاڭدا بۇل جۇيەنىڭ ءتورت ءمودۋلى پيلوتتىق رەجيمدە ءساتتى جۇمىس ىستەپ تۇر. ولار: «اكىمشىلىك»، «سۋ پايدالانۋ»، «ترانسشەكارالىق سۋ» جانە «كارتوگرافيا» مودۋلدەرى.
«اكىمشىلىك» ءمودۋلى جۇيەنى ورتالىقتاندىرىلعان باسقارۋعا ارنالعان. ول پايدالانۋشىلاردى باسقارۋ، جۇيە مۇمكىندىكتەرىن باپتاۋ، قول جەتكىزۋ دەڭگەيىن باقىلاۋ جانە اقپاراتتىق قاۋىپسىزدىكتى قامتاماسىز ەتۋ سەكىلدى فۋنكتسيالاردى ورىندايدى.
«سۋ پايدالانۋ» ءمودۋلى رەسپۋبليكا بويىنشا 86 سۋ قويماسىنان كۇن سايىن دەرەكتەر جيناپ، ولاردى وڭدەيدى. بۇل سۋ رەسۋرستارىنىڭ جاي-كۇيىن جەدەل باقىلاۋعا جانە قاجەتتى شەشىمدەر قابىلداۋعا مۇمكىندىك بەرەدى.
«ترانسشەكارالىق سۋ» ءمودۋلى قازگيدرومەتتىڭ 43 گيدروبەكەتىنەن دەرەكتەر جينايدى جانە مەملەكەتارالىق كانالدارداعى سۋ شىعىنى جانە سۋ قويمالارىنىڭ جۇمىس رەجيمدەرى تۋرالى وڭىرلىك كوزدەردەن الىنعان اقپاراتپەن تولىقتىرىلادى. بۇل ترانسشەكارالىق وزەن باسسەيندەرىندەگى سۋ رەسۋرستارىن كەشەندى تۇردە باسقارۋعا جول اشادى.
«كارتوگرافيا» ءمودۋلى ەسىل جانە جايىق-كاسپي باسسەيندەرىندەگى 250-دەن استام گيدروتەحنيكالىق نىسان، وزەن-كولدەر جانە 334 گيدروبەكەت بويىنشا مالىمەتتەردى كارتا تۇرىندە كورسەتۋگە مۇمكىندىك بەرەدى. سونداي-اق سۋ شىعىنىن، تەمپەراتۋرانى، جاۋىن-شاشىن مەن قاردىڭ ەرۋىن قىسقا مەرزىمدى جانە ۇزاق مەرزىمدى بولجاۋ فۋنكتسيالارى ىسكە اسىرىلدى.
«سۋ رەسۋرستارىنىڭ ۇلتتىق اقپاراتتىق جۇيەسىن ازىرلەۋ ەۋرازيالىق دامۋ بانكىنىڭ گرانتى ەسەبىنەن جۇزەگە اسىرىلادى. جۇيەنىڭ ەنگىزىلۋى سۋ تەڭگەرىمىن بولجاۋ دالدىگىن ارتتىرۋعا، سۋ رەسۋرستارىن ءتيىمدى باسقارۋعا، سونداي-اق گيدروتەحنيكالىق نىساندار مەن يرريگاتسيالىق ينفراقۇرىلىمنىڭ جۇمىسىن جاقسارتۋعا مۇمكىندىك بەرەدى»، - دەدى سريم تسيفرلاندىرۋ دەپارتامەنتىنىڭ ديرەكتورى مەيرگۋل قۋاندىقوۆا.5509:00
ۇقساس جاڭالىقتار
