Búgin – burynǵy qorǵanys mınıstri, Halyq qaharmany Sát Toqpaqbaevtyń týǵan kúni. Sanaly ómirin elimizdiń qaýipsizdik salasyn bekemdeýge arnaǵan Sát Toqpaqbaev 85 jasqa tolyp jatyr.
Sát Besimbaıuly Toqpaqbaev 1939 jylǵy 17 qyrkúıekte Almaty oblysy Ile aýdanynyń QazIK aýylynda dúnıege kelgen.
1963 jyly S.M. Kırov atyndaǵy Qazaq memlekettik ýnıversıtetiniń zań fakýltetin zańger mamandyǵy boıynsha, KSRO MQK №302 Mınsk mektebin, 1971 jyly KSRO SIM Joǵary dıplomatııalyq mektebin támamdaǵan.
1991 jylǵa deıin KOKP múshesi, 1956 jyldan — Almaty oblysy Ile aýdanynyń «Komsomol» ujymsharynda jumysshy, 1957 jyldan — Almaty oblysyndaǵy Boraldaı kirpish zaýytynyń vagonshy-jumyskeri bolǵan.
1958 jyly S.M. Kırov atyndaǵy qazaq memlekettik ýnıversıtetiniń stýdenti, 1963 jyldyń shilde aıynan bastap Almaty oblystyq prokýratýrasynyń tergeýshisi, 1963 jyldyń qyrkúıek aıynan bastap KSRO MQK №302 Mınsk mektebiniń kýrsanty; KSRO MQK kadrlyq ofıeri, jedel ókilden QazKSR MQK Basqarmasynyń bastyǵy laýazymyna deıingi qyzmet jolyn ótken.
1991 jyldyń qarasha aıynan bastap Almaty qalasy jáne Almaty oblysy boıynsha QR MQK Basqarmasynyń bastyǵy, 1993 jyldyń maýsym aıynan — QR UQK tóraǵasynyń birinshi orynbasary, 1993 jyldyń jeltoqsan aıynan — QR UQK tóraǵasy, 1995 jyldyń qarasha aıynan — QR prezıdenti Kúzet qyzmetiniń bastyǵy — QR Respýblıkalyq gvardııasynyń qolbasshysy mindetin atqarýshy qyzmetterinde boldy.
1997 jyldyń naýryz aıynan — QR Respýblıkalyq gvardııasynyń qolbasshysy, 1999 jyldyń qazan aıynan QR qorǵanys mınıstri, 2001 jyldyń jeltoqsan aıynan QR prezıdentiniń keńesshisi — sybaılas jemqorlyqqa qarsy kúres jáne QR memlekettik qyzmetkerleriniń qyzmetti jónindegi komıssııanyń tóraǵasy — QR prezıdeti janyndaǵy azamattyq máseleleri jónindegi komıssııanyn tóraǵasy, 2002 jyldyń qyrkúıek aıynan — «Eýro-Azııa Eır Interneshnl» AAQ Halyqaralyq eýrazııalyq áýe kompanııasy Dırektorlar keńesiniń tóraǵasy, 2007-2011 jyldary — QR parlamenti májilisi 4-shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi boldy.
«Dańq» (1997), «Barys» (2008) ordenderimen; 14 medalmen marapattalǵan.
Aıta ketsek, keshe Memleket basshysy Qasym-Jomart Toqaev Halyq qaharmany Sát Toqpaqbaevqa aıryqsha erekshelik belgisi – «Altyn juldyz» ben «Otan» ordenderin saltanatty túrde tabystady. Bul týraly Aqorda málimdedi.
Jıynda prezıdent Qasym-Jomart Toqaev Sát Toqpaqbaevty qalyń jurtshylyq qurmetteıtinin, onyń eńbek joly el ómirimen tyǵyz baılanysty bolǵanyn aıtty.
“Siz qasterli Otanymyzǵa adal qyzmet ettińiz. Endi ǵana táýelsizdik alyp, derbes memleket bolǵan jyldary asa jaýapty mindetterdi atqarýǵa bilek sybana kirisip kettińiz. Elimizdiń tynyshtyǵy men tutastyǵyn saqtaý úshin orasan zor úles qostyńyz. Shyn máninde, muny naǵyz erlik dep baǵalaýǵa bolady. Qazir de qoǵamǵa paıdaly isterdi atqaryp júrgenińizdi biz jaqsy bilemiz. Elimizdiń laıyq azamatysyz”, – dedi memleket basshysy.
