فۋتبولدان ۇلتتار ليگاسىنداعى قازاقستان مەن نورۆەگيا اراسىنداعى كەزدەسۋ 0:0 ەسەبىمەن تەڭ اياقتالدى، دەپ حابارلايدى “ادىرنا” ۇلتتىق پورتالى.
الماتىدا ۇلتتار ليگاسىنىڭ ەكىنشى ديۆيزيونىنىڭ قازاقستان مەن نورۆەگيا قۇرامالارى اراسىنداعى ويىن تەڭ اياقتالدى.
ويىن الماتىداعى ورتالىق ستاديوندا ءوتتى. سپورت ساراپشىلارى ويىن الدىندا نورۆەگيا قۇراماسىنىڭ جەڭىسكە جەتەتىنىن، ال "مانچەستەر ءسيتيدىڭ" توپ شابۋىلشىسى ەرلينگ حولاندتىڭ كوپ گول سوققان ويىنشى اتاناتىنىن بولجاعان ەدى. بىراق قازاقستان قۇراماسىنىڭ قورعانىس شەبى الەمدىك فۋتبول جۇلدىزىن توقتاتا ءبىلدى.
ءبىرىنشى تايم تولىقتاي قوناقتاردىڭ باسىمدىعىمەن ءوتتى. نورۆەگيالىق فەليكس ميۋرەت قاقپا ماڭدايشاسىنان قايتتى. ەكىنشى تايمدا دا ەسەپ اشىلعان جوق. قازاقستان قۇراماسىنىڭ جاتتىقتىرۋشىسى ستانيسلاۆ چەرچەسوۆ اۋىستىرۋلار جاسادى، بىراق اۋىسىمدار ەشقاينداي ناتيجە بەرمەدى.
ايتا كەتەيىك، 9 قىركۇيەكتە قازاقستان قۇراماسىن ليۋبليانادا سلوۆەنيا قۇراماسىمەن كەزدەسەدى.
