Fýtboldan Ulttar lıgasyndaǵy Qazaqstan men Norvegııa arasyndaǵy kezdesý 0:0 esebimen teń aıaqtaldy, dep habarlaıdy “Adyrna” ulttyq portaly.
Almatyda Ulttar lıgasynyń ekinshi dıvızıonynyń Qazaqstan men Norvegııa quramalary arasyndaǵy oıyn teń aıaqtaldy.
Oıyn Almatydaǵy Ortalyq stadıonda ótti. Sport sarapshylary oıyn aldynda Norvegııa quramasynyń jeńiske jetetinin, al "Manchester Sıtıdiń" top shabýylshysy Erlıng Holandtyń kóp gol soqqan oıynshy atanatynyn boljaǵan edi. Biraq Qazaqstan quramasynyń qorǵanys shebi álemdik fýtbol juldyzyn toqtata bildi.
Birinshi taım tolyqtaı qonaqtardyń basymdyǵymen ótti. Norvegııalyq Felıks Mıýret qaqpa mańdaıshasynan qaıtty. Ekinshi taımda da esep ashylǵan joq. Qazaqstan quramasynyń jattyqtyrýshysy Stanıslav Cherchesov aýystyrýlar jasady, biraq aýysymdar eshqaındaı nátıje bermedi.
Aıta keteıik, 9 qyrkúıekte Qazaqstan quramasyn Lıýblıanada Slovenııa quramasymen kezdesedi.
