قوستاناي وبلىسىنا قاراستى جىتىقارا اۋدانىنىڭ جىتىقارا قالاسىنىڭ اكىمدىگى "جىتىقارا قالاسىنىڭ اۋماعىندا جابايى ءشوپتى شابۋ جونىندەگى قىزمەتتەر" دەگەن تاقىرىپپەن تەندەر جاريالاپ، اتالعان جۇمىسقا بيۋدجەتتەن 2 678 571 تەڭگە قارجى ءبولدى، دەپ حابارلايدى ادىرنا ۇلتتىق پورتالى satypalu.gov.kz سايتىنا سىلتەمە جاساپ.
مەملەكەتتىك ساتىپ الۋ تۋرالى حابارلاما 4 قىركۇيەك كۇنى جاريالانىپ، تەندەر جەڭىمپازى 11 قىركۇيەك كۇنى انىقتالماق. تەحنيكالىق سيپاتتامادا تاپسىرىس ورىنداۋشى 43 500 شارشى مەتر جەردىڭ ارام ءشوبىن تريممەرمەن جانە قولمەن شاۋىپ، وتاپ وتىرۋى كەرەكتىگى كورسەتىلگەن. ساياباق پەن سكۆەرلەر ءشوبىنىڭ بيىكتىگى 7 cانتيمەتردەن اسپاۋىن قاداعالاپ، ءار ماۋسىم سايىن كەمى 4 رەت ارام ءشوپتى وتاۋى ءتيىس. سونداي-اق، تەحنيكالىق سيپاتتامادا تاپسىرىس بەرۋشىلەر قىزمەتتىڭ ورىندالۋ مەرزىمىن دە كورسەتۋدى ۇمىتپاپتى. وندا جۇمىس مەرزىمى "شارت جاساعان ساتتەن باستاپ - 2024 جىلعى قازان" دەپ تايعا تاڭبا باسىلعانداي جازىلعان.
قىزىعى، قىزمەتتىڭ ورىندالۋ مەرزىمىنىڭ اياقتالۋىنا، ياعني 2024 جىلدىڭ قازان ايىنا دەيىن بار بولعانى 26 كۇن قالدى. تەندەر جەڭىمپازى انىقتالاتىن 11 قىركۇيەكتەن باستاپ ەسەپتەسەك 19 كۇن. مۇنىڭ سىرتىندا تاراپتاردىڭ كەلىسىمشارتقا قول قويماي، جۇمىستى باستاماسى جانە بەلگىلى. دەمەك، اكىمدىك اينالدىرعان 15 كۇن ىشىندە ء"ار ماۋسىم سايىن" كەمى 4 رەت ارام ءشوپتى وتاتىپ، ساياباق پەن سكۆەرلەر ءشوبىنىڭ بيىكتىگى 7 cانتيمەتردەن اسپاۋىن قاداعالاي الا ما؟
15 كۇندە 43 500 شارشى مەتر جەردىڭ ارام ءشوبىن ءبىر رەت شاۋىپ شىعۋعا ابدەن بولادى. بىراق، اۋماعىنىڭ باسىم بولىگى تەحنيكانىڭ كۇشىمەن، ياعني تريممەرمەن شابىلاتىن ءشوپ ءۇشىن بيۋدجەتتەن 2 678 571 تەڭگە ءبولۋ قانشالىقتى ادىلەتتى؟ جەتىقارا قالاسىنىڭ اكىمى ارام ءشوپتى ەمەس، ارام اقشانى وتاپ جاتقان جوق پا؟
بۇل سۇراقتاردى ءتيىستى مەكەمەگە جولدادىق. ولاردان جەتكەن جاۋاپتى الداعى ۋاقىتتا جاريالايتىن بولامىز.
اقان بىرلىك
"ادىرنا" ۇلتتىق پورتالى
