ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ اقشانى جىلىستاتۋ جانە پارا الدى دەگەن كۇدىككە ءىلىندى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى راستادى، دەپ حابارلايدى «ادىرنا» ۇلتتىق پورتالى.
"ۇقك ك. ماسىموۆكە قاتىستى قر قك-نىڭ 218-بابى "قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ)" جانە 366-بابى "اسا ءىرى كولەمدە پارا الۋ" بويىنشا سوتالدى تەرگەپ-تەكسەرۋدى جالعاستىرىپ جاتقانىن حابارلايمىز", - دەلىنگەن حابارلامادا.
كوميتەت قىلمىستىق-اتقارۋ كودەكسىنىڭ 92-بابى 3-بولىگىنە سايكەس ءماسىموۆ پروكۋراتۋرانىڭ سانكتسياسىمەن قىلمىستىق ءىس شەڭبەرىندە بىرقاتار تەرگەۋ ارەكەتتەرىن جۇرگىزۋ ءۇشىن استاناداعى ۇقك تەرگەۋ يزولياتورىنا قالدىرىلعانىن ايتتى.
"قىلمىستىق ءىس جۇرگىزۋ كودەكسىنىڭ 201-بابى 1-بولىگىنە سايكەس كودەكس، سوتالدى تەرگەپ-تەكسەرۋ ماتەريالدارى جاريالانبايدى", - دەپ تولىقتىردى ۇلتتىق قاۋىپسىزدىك كوميتەتى.
«ادىرنا» ۇلتتىق پورتالى
