اۋعانستاننىڭ جوعارعى كوشباسشىسى جاماندىق پەن ىزگىلىك تۋرالى زاڭدا ايەلدەرگە قاتىستى جاڭا ەرەجەلەر ەنگىزدى، دەپ حابارلايدى "ادىرنا" ۇلتتىق پورتالى.
114 بەتتەن جانە 35 باپتان تۇراتىن زاڭدى Associated Press تەكسەردى. ەرەجەلەر قوعامدىق كولىك، مۋزىكا، قىرىنۋ جانە مەرەكەلەر سياقتى كۇندەلىكتى ءومىردىڭ اسپەكتىلەرىنە قاتىستى بولدى. سونداي-اق وعان مىناداي جاڭا تىيىمدار تاعى قوسىلدى:
- ايەلدەردىڭ كوپشىلىك الدىندا بەتى اشىق كيىم كيۋىنە;
- ايەلدەردىڭ كوپشىلىك الدىندا سويلەۋىنە;
- ايەلدەردىڭ تانىمايتىن ەركەكتەرگە قاراۋىنا;
- ەرلەردىڭ وزدەرى ارالاسپايتىن ايەلدەرگە قاراۋىنا;
- بۇقارالىق اقپارات قۇرالدارىندا ءتىرى جانداردىڭ سۋرەتتەرى مەن فوتوسۋرەتتەرىن پايدالانۋعا;
- مۋزىكاعا;
- تۋىس ەمەس ايەلدەر مەن ەركەكتەردىڭ ءبىر ورتادا وتىرۋىنا;
- ايەلدەردىڭ قوعامدىق كولىكتە جالعىز جۇرۋىنە;
- جانە ناماز كەزىندەگى كولىكتەردىڭ قوزعالىسىنا تىيىم سالىنىپ، جۇرگىزۋشىلەر مەن جولاۋشىلار توقتاپ ناماز وقۋعا مىندەتتەلدى.
ەرەجەگە باعىنباعاندار سوت شەشىمىنسىز قاماۋعا الىنۋى مۇمكىن.
وعان قوسا، ۇكىمەت تىيىم سالعاندىقتان اۋعان قىزدارى ءتورتىنشى سىنىپتان كەيىن مەكتەپكە بارمايدى.
