Aýǵanstannyń Joǵarǵy Kóshbasshysy jamandyq pen izgilik týraly zańda áıelderge qatysty jańa erejeler engizdi, dep habarlaıdy "Adyrna" ulttyq portaly.
114 betten jáne 35 baptan turatyn zańdy Associated Press tekserdi. Erejeler qoǵamdyq kólik, mýzyka, qyryný jáne merekeler sııaqty kúndelikti ómirdiń aspektilerine qatysty boldy. Sondaı-aq oǵan mynadaı jańa tyıymdar taǵy qosyldy:
- áıelderdiń kópshilik aldynda beti ashyq kıim kııýine;
- áıelderdiń kópshilik aldynda sóıleýine;
- áıelderdiń tanymaıtyn erkekterge qaraýyna;
- erlerdiń ózderi aralaspaıtyn áıelderge qaraýyna;
- buqaralyq aqparat quraldarynda tiri jandardyń sýretteri men fotosýretterin paıdalanýǵa;
- mýzykaǵa;
- týys emes áıelder men erkekterdiń bir ortada otyrýyna;
- áıelderdiń qoǵamdyq kólikte jalǵyz júrýine;
- jáne namaz kezindegi kólikterdiń qozǵalysyna tyıym salynyp, júrgizýshiler men jolaýshylar toqtap namaz oqýǵa mindetteldi.
Erejege baǵynbaǵandar sot sheshiminsiz qamaýǵa alynýy múmkin.
Oǵan qosa, úkimet tyıym salǵandyqtan aýǵan qyzdary tórtinshi synyptan keıin mektepke barmaıdy.
