ەلىمىزدە بۇدان بىلاي زاڭداردى مەملەكەتتىك تىلدە جازۋ زاڭمەن مىندەتتەلەتىن بولدى. بۇل تۋرالى پرەمەر-ءمينيستردىڭ ورىنباسارى التاي كولگىنوۆ ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، ۇكىمەت 2024 جىلدان باستاپ نورماتيۆتىك قۇقىقتىق اكت جوباسىن قازاقشا ازىرلەپ، سودان سوڭ ورىس تىلىنە اۋدارۋدى جوسپارلاپ وتىر.
پرەمەر-ءمينيستردىڭ ورىنباسارى التاي كولگىنوۆ سول ءۇشىن ەكى تىلدە جازىلعان نورماتيۆتىك قۇجاتتاردىڭ ماعىناسىنىڭ سايكەستىگىن تەكسەرۋ بيىل باستالادى دەدى.
2023 جىلدىڭ ەكىنشى توقسانىندا قازاق جانە ورىس تىلدەرىندەگى نورماتيۆتىك قۇقىقتىق اكت (نقا) ماتىندەرىنىڭ ماعىنالىق سايكەستىگىن قامتاماسىز ەتۋ ماقساتىندا نورماتيۆتىك قۇقىقتىق بازاعا تولىعىمەن تەرەڭ تەكسەرۋ جۇرگىزۋ جوسپارلانعان.
اتالعان شارالار قازاق جانە ورىس تىلدەرىندەگى نقا ماتىندەرىنىڭ ماعىنالىق سايكەستىگىن قامتاماسىز ەتۋ ماقساتىندا نورماتيۆتىك قۇقىقتىق بازاعا تولىعىمەن تەرەڭ تەكسەرۋ جۇرگىزۋ جوسپارىندا باياندالعان.
بۇل رەتتە "ارتىق رەگلامەنتتەۋدى بولدىرماۋ" مانىنە رەۆيزيا جۇرگىزۋ كوزدەلمەگەن نقا (جەكەلەگەن زاڭدار مەن زاڭعا تاۋەلدى اكتىلەر) ولاردىڭ جوبالارى مەملەكەتتىك ورگانداردىڭ نورما شىعارۋ قىزمەتى بارىسىندا لينگۆيستيكالىق ساراپتاماعا تۇسكەن كەزدە قارالادى. اتالعان شارا مەملەكەتتىك تىلدەگى نقا ماتىندەرى مازمۇنىنىڭ ساپاسىن ارتتىرۋعا ىقپال ەتەدى، – دەدى التاي كولگىنوۆ.
ەسكە سالساق، بۇعان دەيىن ءماجىلىس دەپۋتاتتارى 32 جىل ىشىندە ەلىمىزدە 3,5 مىڭ زاڭ قابىلدانعانىن ايتقان. ونىڭ بارلىعى دەرلىك ورىسشا جازىلعان. تەك "تىلدەر تۋرالى" جانە "كوشى-قون تۋرالى" ەكى زاڭ عانا قازاق تىلىندە دايىندالعان.
