رەسەي پرەزيدەنتى ۆلاديمير پۋتين رەسەيدەگى اۋعانستان ەلشىسى ماۆلاۆي گۇل حاساننان سەنىم گراموتاسىن قابىلدادى. بۇل تۋرالى كرەملدىڭ ءباسپاسوز قىزمەتى جاريالادى، دەپ حابارلايدى "ادىرنا".
شەتەل مەملەكەتتەرىنىڭ ەلشىلەرى تىزىمىندە گۇل حاسان اۋعانستان يسلام امىرلىگىنىڭ ەلشىسى رەتىندە كورسەتىلگەن. ول 2021 جىلى تالىپتەر (قوزعالىس تەرروريستىك ۇيىمدار تىزىمىنە ەنگىزىلگەن) بيلىككە كەلگەننەن كەيىن تاعايىندالعان العاشقى ەلشى بولدى.
سەنىم گراموتالارىن تاپسىرۋ راسىمىندە ۆلاديمير پۋتين رەسەيدىڭ اۋعانستاننىڭ ءبىرتۇتاس، تاۋەلسىز ءارى بەيبىت مەملەكەت بولعانىنا، سوعىس، تەرروريزم جانە ەسىرتكى تاسىمالى سياقتى قاۋىپ-قاتەرلەردەن ازات بولۋىنا شىنايى مۇددەلى ەكەنىن ايتتى.
گۇل حاسان 2025 جىلدىڭ شىلدە ايىندا اۋعانستاننىڭ رەسەيدەگى ەلشىسى قىزمەتىنە كىرىسكەن. تاياۋ شىعىس مەملەكەتىنىڭ سىرتقى ىستەر مينيسترلىگىندە جاڭا ەلشىنىڭ اككرەديتاتسيادان ءوتۋى رەسەيمەن ىنتىماقتاستىقتى كەڭەيتۋ جولىنداعى ماڭىزدى قادام ەكەنى اتاپ ءوتىلدى.
بۇعان دەيىن مەملەكەتتىك دۋمادا اقش اۋعانستانعا باسىپ كىرۋدىڭ جاعىمسىز تاجىريبەسىن قايتالاعىسى كەلمەيتىنى ايتىلعان.
