كەشە قاراعاندى وبلىسىنداعى جايرەم كەنتىندە جاڭادان سالىنىپ جاتقان پولليمەتالل زاۋىتىندا توبەلەس بولىپ، بىرنەشە شەت ەلدىك جۇمىسشى سوققىعا جىعىلعان بولاتىن. اشۋلى جەرگىلىكتى جىگىتتەر ۇرىپ-سوعىپ قانا قويماي، وزدەرىمەن بىرگە 6 تۇرىك ازاماتىن الىپ كەتكەن. "زاۋىت قۇرىلىسىن سالىپ جاتقان فيرما باسشىلىعىنا ايىرباستاۋ» ءۇشىن.
توبەلەس جەرگىلىكتى قىزدىڭ جالاڭاش سۋرەتىنىڭ الەۋمەتتىك جەلىگە شىعۋىنان باستالعان دەيدى. ەگدە جاستاعى تۇرىك جۇمىسشىسى ەكەن ول سۋرەتتى جاريالاعان. جاسى ەگدە تارتىپ قالعان تۇرىك جۇمىسشىنىڭ جەرگىلىكتى قىزدىڭ جالاڭاش سۋرەتىن الەۋمەتتىك جەلىدە جاريالاۋىنان شىققان. نامىستانعان جىگىتتەر كەن ورنىنىڭ شلاگباۋمىن بۇزىپ كىرىپ، كوپتەگەن شەتەلدىكتى سوققىعا جىققان.
https://www.youtube.com/watch?time_continue=2&v=hlr6UvZSnMA
قاراعاندىلىق جۋرناليست ايسۇلتان جاقىپوۆتىڭ ايتۋىنشا جايرەم كەنتىنە وبلىس اكىمى ەرلان قوشانوۆ جەدەل بارۋىنىڭ ارقاسىندا وقيعا تىنىشتالدى. "وبلىس باسشىسى جاستاردىڭ تالابىن تىڭداپ، بارلىق تالاپتاردىڭ ورىندالۋىنا كۇش سالاتىنىن ايتقان. جىگىتتەردىڭ تالابى – ۆيدەو جۇكتەگەن شەتەلدىك جۇرت الدىندا كەشىرىم سۇراسىن جانە جايرەمنەن تۇرىك فيرماسى كەتسىن".
قاراعاندى وبلىسى اكىمىنىڭ ءباسپاسوز قىزحمەتىنە حابارلاسقانىمىزدا جاعداي تۇراقتالعانىن ايتتى. "12 تامىزدا جايرەم كەن-بايىتۋ كومبيناتىنىڭ جۇمىسشىلارىنىڭ قاتىسۋىمەن شيەلەنىس ورىن الدى. بىرنەشە شەتەل جۇمىسشى ازاماتتارى جەڭىل تۇردە جاراقات الدى. ولارعا مەديتسينالىق كومەك كورسەتىلدى.
جاعدايدى رەتتەۋ ءۇشىن وقيعا ورنىنا وبلىس اكىمى ەرلان قوشانوۆ باردى. جايرەم كەنتىندە ايماق باسشىسى كەنت تۇرعىندارىمەن جانە جايرەم كەن-بايىتۋ كومبيناتىنىڭ جۇمىسشىلارىمەن كەزدەستى. وتكىزىلگەن كەزدەسۋدىڭ ناتيجەسى بويىنشا جاعداي رەتتەلدى.
كەنتتەگى جاعداي تۇراقتى جانە وبلىس اكىمىنىڭ ەرەكشە باقىلاۋىندا".
قىزدىڭ جالاڭاش سۋرەتىن جەلىگە جۇكتەگەن وزگە ۇلت وكىلى الەۋمەتتىك جەلى ارقىلى كوپشىلىكتەن كەشىرىم سۇرادى.
[video width="220" height="400" mp4="https://adyrna.kz/content/uploads/2019/08/zhajrem.mp4"][/video]
"ادىرنا" ۇلتتىق پورتالى
