اقش اسكەري كۇشتەرى تىيىم سالىنعان زاتتاردى تاسىمالدادى دەگەن كۇدىككە ىلىنگەن ەكى قايىققا سوققى جاساپ، بەس ادامدى ءولتىردى. بۇل تۋرالى ەل قارۋلى كۇشتەرىنىڭ وڭتۇستىك قولباسشىلىعى مالىمدەدى، دەپ حابارلايدى «ادىرنا» ءتىلشىسى.
«اتالعان وپەراتسيالار بارىسىندا بارلىعى بەس ناركوتەرروريستىڭ كوزى جويىلدى. العاشقى كەمەدە ۇشەۋى، ەكىنشىسىندە ەكەۋ بولعان»،- دەلىنگەن حابارلامادا.
سونداي-اق كەمەلەردى باسقارۋمەن تەرروريستىك ۇيىمداردىڭ مۇشەلەرى اينالىسقان دەگەن بولجام ايتىلدى.
ايتا كەتەيىك، سوڭعى بىرنەشە ايدا اقش بيلىگى ەسىرتكى تاسىمالدادى دەپ كۇدىككە ىلىنگەن كاتەرلەردى جويۋ ءۇشىن قارۋلى كۇشتەردى بىرنەشە رەت قولدانعان. ۆاشينگتوننىڭ مالىمدەۋىنشە، مۇنداي وپەراتسيالار ترانسۇلتتىق قىلمىس پەن ەسىرتكى ساۋداسىنا قارسى كۇرەسكە باعىتتالعان.
بۇل وقيعالاردىڭ سالدارىنان ۆەنەسۋەلا مەن اقش اراسىنداعى قارىم-قاتىناس ايتارلىقتاي شيەلەنىسە تۇسكەن. اق ءۇي ورتالىق بارلاۋ باسقارماسىنا نيكولاس مادۋرو ۇكىمەتىن تۇراقسىزداندىرۋ ماقساتىندا رەسپۋبليكا اۋماعىندا قۇپيا وپەراتسيالار جۇرگىزۋگە رۇقسات بەرگەن. ال باس پروكۋرور پەم بوندي ونى تۇتقىنداۋعا كومەكتەسەتىن اقپارات ءۇشىن 50 ميلليون دوللار سىياقى تاعايىندالعانىن جاريالادى. مالىمدەمەلەرگە سايكەس، ۆەنەسۋەلا باسشىسى تەرروريستىك ۇيىمداردى اقش-قا ەسىرتكى جەتكىزۋ ءۇشىن پايدالانادى دەگەن ايىپ تاعىلىپ وتىر.
