Keshe Qaraǵandy oblysyndaǵy Jáırem kentinde jańadan salynyp jatqan pollımetall zaýytynda tóbeles bolyp, birneshe shet eldik jumysshy soqqyǵa jyǵylǵan bolatyn. Ashýly jergilikti jigitter uryp-soǵyp qana qoımaı, ózderimen birge 6 túrik azamatyn alyp ketken. "Zaýyt qurylysyn salyp jatqan fırma basshylyǵyna aıyrbastaý» úshin.
Tóbeles jergilikti qyzdyń jalańash sýretiniń áleýmettik jelige shyǵýynan bastalǵan deıdi. Egde jastaǵy túrik jumysshysy eken ol sýretti jarııalaǵan. jasy egde tartyp qalǵan túrik jumysshynyń jergilikti qyzdyń jalańash sýretin áleýmettik jelide jarııalaýynan shyqqan. Namystanǵan jigitter ken ornynyń shlagbaýmyn buzyp kirip, kóptegen sheteldikti soqqyǵa jyqqan.
https://www.youtube.com/watch?time_continue=2&v=hlr6UvZSnMA
Qaraǵandylyq jýrnalıst Aısultan Jaqypovtyń aıtýynsha Jáırem kentine oblys ákimi Erlan Qoshanov jedel barýynyń arqasynda oqıǵa tynyshtaldy. "Oblys basshysy jastardyń talabyn tyńdap, barlyq talaptardyń oryndalýyna kúsh salatynyn aıtqan. Jigitterdiń talaby – vıdeo júktegen sheteldik jurt aldynda keshirim surasyn jáne Jáıremnen túrik fırmasy ketsin".
Qaraǵandy oblysy ákiminiń baspasóz qyzhmetine habarlasqanymyzda jaǵdaı turaqtalǵanyn aıtty. "12 tamyzda Jáırem ken-baıytý kombınatynyń jumysshylarynyń qatysýymen shıelenis oryn aldy. Birneshe shetel jumysshy azamattary jeńil túrde jaraqat aldy. Olarǵa medıınalyq kómek kórsetildi.
Jaǵdaıdy retteý úshin oqıǵa ornyna oblys ákimi Erlan Qoshanov bardy. Jáırem kentinde aımaq basshysy kent turǵyndarymen jáne Jáırem ken-baıytý kombınatynyń jumysshylarymen kezdesti. Ótkizilgen kezdesýdiń nátıjesi boıynsha jaǵdaı retteldi.
Kenttegi jaǵdaı turaqty jáne oblys ákiminiń erekshe baqylaýynda".
Qyzdyń jalańash sýretin jelige júktegen ózge ult ókili áleýmettik jeli arqyly kópshilikten keshirim surady.
[video width="220" height="400" mp4="https://adyrna.kz/content/uploads/2019/08/zhajrem.mp4"][/video]
"Adyrna" ulttyq portaly
