تەگەران مەن ءىرى قالالاردا 28 جەلتوقساننان بەرى ەكونوميكالىق داعدارىسقا بايلانىستى جاپپاي شەرۋلەر ءوتىپ جاتىر، دەپ حابارلايدى "ادىرنا" ۇلتتىق پورتالى.
Euronews دەرەگىنشە، يراننىڭ ۇلتتىق ۆاليۋتاسى ريال كۇرت قۇنسىزدانىپ، 1 دوللار شامامەن 1,4 ميلليون ريالعا جەتتى. ينفلياتسيا 42,2%-عا، ازىق-تۇلىك باعاسى 72%-عا، ءدارى-دارمەك پەن مەديتسينالىق تاۋارلار 50%-عا قىمباتتادى.
نارازىلىقتار تەگەرانداعى ۇلكەن بازار ماڭىندا باستالىپ، يسفاحان، شيراز، مەشحەد سياقتى قالالاردا دا قولداۋ تاپتى. كەي جەرلەردە پوليتسيا شەرۋشىلەردى ارنايى گاز ارقىلى تارقاتقان.
پرەزيدەنت ماسۋد پەزەشكيان ىشكى ىستەر مينيسترىنە ميتينگ قاتىسۋشىلارىمەن ديالوگ جۇرگىزىپ، ولاردىڭ تالاپتارىن تىڭداۋدى تاپسىرعانىن مالىمدەدى.
ول حالىقتىڭ ەكونوميكالىق ماسەلەلەرىن شەشۋگە باعىتتالعان شارالاردى قابىلداۋعا دايىن ەكەنىن اتاپ ءوتتى.
