شەتەلدىك جاتاقحانادا وزبەك جىگىتتەرىمەن بىرگە تۇردىق. فەرعانا بوكس مەكتەبىنىڭ ماقتاۋىن اسىرىپ، قازاقتان اسقانىن ابىروي كورىپ وتىراتىن. ءبىز، ادەتىنشە، “وركەنيەتتى ەلدىڭ باعانى - عىلىم-بىلىمگە ۇمتىلىسى” دەيمىز عوي. عىلىمي-پروفەسسورلىق قۇرامدى ايتامىز.
ونىڭ ءوزىن قۇنتتاپ جاتقانىمىز شامالى بولسا دا. ء(پۋلتتى ويلاپ تاپقانىمىز بار. ونى دا قيسىنىن تاۋىپ ءار اڭگىمەگە قىستىرا كەتەمىز). ايتەۋىر، “ۇيالعان - تەك تۇرماستىڭ” امال-ايلاسى عانا.
قازاق پەن وزبەكتىڭ اراسىن كەنەزەسى كەپكەن ارال ماسەلەسى اشپايدى، ءتۇپتىڭ تۇبىندە اتاق-داڭققا ۇمتىلىس، بوكس باسەكەسى اشادى. قارا دا تۇرىڭىزدار.
بۇگىن ءبىزدىڭ جىگىتتەردىڭ ماسس مەديا الاڭىندا “وزبەكتەر كىمنەن ۇتىلساڭ دا، قازاقتان ۇتىلۋشى بولما دەپ سپورتشىلارىن تاربيەلەيدى” دەگەن بىقسىق اڭگىمەسىن ەستىدىم. ءسال ۇياتتى ەكەن. وسىنداي قاتىنوسەكتى قاشان قويار ەكەنبىز؟..
وركەنيەتتى ەل بارلىق سالادان العا شىعۋعا ۇمتىلادى. وركەنيەتتى ەلگە ءتان سيپات - پروبلەمانى ناقتى كورە ءبىلۋ.
دياگنوزدى ناقتى قويىپ، پروبلەمانى تاپ باساتىن جاكىشەۆ سياقتى ازاماتتار - دامۋدىڭ ساناۋي تەگەرشىگى. جىگىتتەردىڭ تاپىراقتاپ جاتقانى - قولىنا ترەنەر ۇستاتقان دۇرىس پروتوكول جوق.
قاراپايىم قاعيدانى الايىقشى.
وركەنيەتتى ەل - سىنىپتاعى ماتەماتيكاعا دا، ادەبيەتكە دە جۇيرىك وقۋشى سياقتى. بارلىق جاعىنان ۇزدىك. نە سول ۇزدىككە جەتەعابىل.
“بىزدە اناۋ جاقسى دامىعان، مىناۋ كەمشىن، مىناۋ باعىت قازاققا ءتان دۇنيە ەمەس، ءبىز قويان-قولتىق سپورت تۇرىنە شەبەرمىز”…
مەنىڭشە، مۇنداي بوس اڭگىمەنى تاۋەلسىزدىكتى قايتا قالىپتاستىرعانىمىزعا 30 جىل وتكەننەن كەيىن دە سوزدىقتاتا ايتۋ - ۇياتتى.
شىن پالۋاننىڭ وڭ-سولى ءبىر. عىلىم- ءبىلىمى دە، سپورتى دا دامىعىش.
مەنىڭ جۇزۋدەن بەرەتىن ترەنەرىم “سپورت - مەديتسينا. بىزدە عىلىمي سپورت جوق” دەپ ءجيى ايتاتىن. مۇمكىن وسى باعىتقا ءمان بەرۋ كەرەك شىعار؟
Dastan Kastay
