ۋكراينا رەسەيگە 250 ءولى ساربازدارىنىڭ دەنەسىن قايتاردى. بۇل تۋرالى 2 تامىز كۇنى Facebook جەلىسىندە ۋكراينانىڭ اسكەري تۇتقىنداردى باسقارۋ جونىندەگى ۇيلەستىرۋ شتابى ايتتى، دەپ حابارلايدى “ادىرنا” ۇلتتىق پورتالى dw.com سايتىنا سىلتەپ.
ولار لۋگانسك، باحمۋت، مارينسك، اۆدەەۆسك، حەرسون جانە زاپوروجە باعىتتارىندا، سونداي-اق ماريۋپول، گورلوۆكا جانە رەسەي فەدەراتسياسىنىڭ اۋماعىنداعى ءمايىتحانالاردان قازا تاپقان ۋكراين جاۋىنگەرلەرىنىڭ دەنەلەرى تۋرالى ايتقان
حابارلامادا مايىتتەردى قايتارۋ شتابتىڭ رەينتەگراتسيا مينيسترلىگىمەن، سبۋ جانىنداعى بىرىككەن ورتالىقپەن، ۋكراينا ىشكى ىستەر مينيسترلىگىمەن، قاۋىپسىزدىك جانە قورعانىس سالاسىمەن، ۋكراينا قارۋلى كۇشتەرىمەن جانە باسقا دا قۇرىلىمدارمەن ءوزارا ءىس-قيمىلىنىڭ ارقاسىندا جۇزەگە اسىرىلعانى كورسەتىلگەن.
«تانىستىرۋدان كەيىن قورعاۋشىلارىمىزدىڭ مايىتتەرى لايىقتى جەرلەۋ ءۇشىن تۋىستارىنا تاپسىرىلادى»، - دەپ حابارلادى ۇيلەستىرۋ شتابى.
رەسەي مەملەكەتتىك دۋماسىنىڭ دەپۋتاتى شامسايل ساراليەۆ ربك اگەنتتىگىنە رەسەيلىك تاراپ الماسۋ اياسىندا ۋكرايناداعى سوعىس كەزىندە قازا تاپقان رەسەي قارۋلى كۇشتەرىنىڭ 38 جاۋىنگەرىنىڭ ءمايىتىن العانىن ايتتى.
قايتىس بولعان اسكەريلەردىڭ مايىتتەرىن بۇدان بۇرىن ايىرباستاۋ 14 ماۋسىمدا وتكەن بولاتىن. ودان كەيىن قازا تاپقان 254 اسكەري قىزمەتكەر ۋكرايناعا، 32 ءمايىت رەسەيگە قايتارىلدى.
