قاراعاندىداعى فەرروقورىتپا زاۋىتىندا بولعان اپاتتان زارداپ شەككەن تاعى ەكى ادام كوز جۇمدى. ءتورت ناۋقاستىڭ جاعدايى ءالى دە اۋىر. بۇل تۋرالى 25 شىلدەدە قاراعاندى وبلىستىق دەنساۋلىق ساقتاۋ باسقارماسى ايتتى، دەپ حابارلايدى «ادىرنا» ءتىلشىسى.
«1981 جانە 1987 جىلى تۋىلعان ناۋقاستار ەسىن جيماستان قايتىس بولدى. دارىگەرلەر ولاردىڭ ءومىرىن ساقتاپ قالۋ ءۇشىن بار كۇش-جىگەرىپ سالىپ، كۇرەسكەن بولاتىن. قازا تاپقانداردىڭ جاقىن تۋىستارىنا شىن جۇرەكتەن كوڭىل ايتامىز»، - دەلىنگەن حابارلامادا.
باقيلىق بولعان ادامچۋك دميترو بالقىتۋ تسەحىنىڭ مەحانيگى، ال تولەگەن جەتپىسباەۆ باس مەحانيك قىزمەتىنىڭ شەبەرى بولىپ جۇمىس ىستەگەن.
ەسكە سالايىق، 20 شىلدەدە قاراعاندى فەرروقورىتپا زاۋىتىندا پەشتەن ءورت شىعىپ، 8 ادام جاراقات الدى. بۇعان دەيىن 2 جۇمىسشى قايتىس بولعانىن جازعان ەدىك.
