Мәжілістің экс-спикері Нұрлан Нығматулиннің бауыры Ерлан Нығматулиннің YDD Corporation ферроқорытпа зауытында зардап шеккендердің жағдайы туралы айтылды, деп хабарлайды “Адырна” ұлттық порталы.
«Зардап шеккен алты адам жансақтау бөліміне, екеуі күйік шалғандарды емдеу бөліміне жатқызылды. Зардап шеккен бес адамның жағдайы аса ауыр, екеуі ауыр, бір науқастың жағдайы орташа деп бағалануда», - деп хабарлайды Қарағанды облысының денсаулық сақтау басқармасы.
Зардап шеккендерді арнайы мамандар тексерді. Қосымша тексерулер жүргізілді.
Естеріңізге сала кетейік, 20 шілдеде YDD Corporation ферроқорытпа зауытында төтенше жағдай орын алған болатын. No1 пеште кенеттен жалын шығып, салдарынан кәсіпорынның сегіз қызметкері зардап шекті. Жағдайға қатысты қылмыстық іс қозғалды.
