شىمكەنت قالاسىنىڭ پوليتسياسى ادام ءولتىرۋ دەرەگى بويىنشا قىلمىستىق ءىس قوزعادى. قۇقىق قورعاۋ ورگاندارى كۇدىكتىنىڭ جەكە باسىن انىقتاپ، وعان ىزدەۋ جاريالادى، دەپ حابارلايدى "ادىرنا".
شىمكەنت قالالىق پوليتسيا دەپارتامەنتىنىڭ دەرەگىنە سايكەس، ادام ءولتىرۋ دەرەگى بويىنشا ايماحان شەرحان ءالماحانۇلى، 1997 جىلى تۋعان ازامات كۇدىككە ىلىنگەن.
"ول قىلمىس ورنىنان HYUNDAI MUFASA ماركالى اۆتوكولىكپەن قاشىپ كەتكەن. كولىكتىڭ مەملەكەتتىك تىركەۋ ءنومىرى – 015AUY17", - دەلىنگەن قالالىق پد حابارلاماسىندا.
اتالعان دەرەك بويىنشا قىلمىستىق ءىس «كىسى ءولتىرۋ» بابى بويىنشا تەرگەلىپ جاتىر. كۇدىكتىنى ۇستاۋ ماقساتىندا جەدەل-ىزدەستىرۋ ءىس-شارالارى جالعاسۋدا.
ەسكە سالايىق، بۇعان دەيىن 21 جاستاعى قىزدى پىشاقتاپ ولتىرگەنى تۋرالى حابارلادىق.
ۇقساس جاڭالىقتار
