قازاقستاندا 1 قاڭتاردان باستاپ وفيتسەرلەر، سەرجانتتار مەن قاتارداعى اسكەريلەردىڭ جالاقىسى تاعى وسەدى. بۇل تۋرالى قورعانىس مينيسترلىگى مالىمدەدى، دەپ حابارلايدى “ادىرنا”.
مينيسترلىكتىڭ اقپاراتىنشا، 2025 جىلعى 1 قاڭتاردان باستاپ وفيتسەرلىك قۇرامنىڭ جالاقىسى ورتا ەسەپپەن 20,3%-عا، ال قاتارداعى جانە سەرجانتتىق قۇرامدىكى 33,9 پايىزعا ارتقان. سونىمەن قاتار 1 شىلدەدەن باستاپ بۇرىن جويىلعان دالالىق تولەمدەر جۇيەسى قايتا ەنگىزىلدى. ياعني اسكەري قىزمەتشىلەرگە دالا، تەڭىز جورىقتارىنا جانە وقۋ-جاتتىعۋلارعا قاتىسقان ءاربىر تاۋلىك ءۇشىن ءىسساپار راسىمدەمەي-اق، 1,2 اەك مولشەرىندە اقشا تولەنە باستادى.
«الداعى ۋاقىتتا دا قوسىمشا وزگەرىستەر جوسپارلانعان. 2026 جىلعى 1 قاڭتاردان باستاپ ەڭبەكاقى تولەۋدىڭ جاڭا جۇيەسى اياسىندا جالاقىنى ارتتىرۋدىڭ ەكىنشى كەزەڭى ىسكە اسادى. ياعني، وفيتسەرلەر ءۇشىن تاعى 23 پايىزعا، ال قاتارداعى جانە سەرجانتتىق قۇرام ءۇشىن ءبىرىنشى كەزەڭ دەڭگەيىنەن 10 پايىزعا ءوسىرۋ كوزدەلگەن»، - دەلىنگەن حابارلامادا.
