اقمولا وبلىسىندا ان-2 ۇشاعى اپاتقا ۇشىرادى، دەپ حابارلايدى “ادىرنا” ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
تجم مالىمەتىنشە زارداپ شەككەندەر جوق.
«دەرجاۆينسك قالاسىنان 10 شاقىرىم جەردە ان-2 ۇشاعى كوتەرىلۋ كەزىندە ورتەندى»، - دەلىنگەن حابارلامادا.
ۇشقىش جانىپ جاتقان ۇشاقتان ءوز بەتىنشە ەۆاكۋاتسيالانعان. قازىر ءورت ءسوندىرىلدى.
ءورتتىڭ شىعۋ سەبەبى انىقتالىپ جاتىر.
ايتا كەتەيىك، 3 مامىر كۇنى قوستاناي وبلىسىندا سۋ باسقان ايماقتا قالعان ناۋقاستى قۇتقارۋعا بارعان سانيتارلىق اۆياتسيا ۇشاعى اپاتقا ۇشىراعان ەدى.
مۇنداي اپات ان-2 ۇشاعىندا ءجيى بولادى. Aviation Safety Network جوباسىنىڭ ونلاين بازاسىندا ۇشاق 618 رەت اۋە اپاتىنا ۇشىراپ، سالدارىنان 776 ادام قازا تاپقان.
2021 جىلدىڭ 4 شىلدەسىندە ساعات 07.00-دە قىزىلوردا قالاسىنىڭ قاراۋىلتوبە اۋىلىنان 12 شاقىرىم جەردە كۇرىش ەگىستىگىن وڭدەۋ كەزىندە ان-2 ۇشاعى قۇلادى. ول ۇشىپ شىققاننان كەيىن بىرنەشە ساعاتتان سوڭ تەحنيكالىق اقاۋ سالدارىنان قونۋعا ءماجبۇر بولىپ، ەگىننىڭ ۇستىنە قۇلاعان.
2022 جىلدىڭ 11 اقپانىندا ان-2 ۇشاعى كامچاتكاداعى كورياكي اۋىلىنىڭ ماڭىندا قۇلاعان. قازا تاپقاندار جوق.
2024 جىلدىڭ 19 شىلدەسىندە ان-2 ۇشاعى ارمەنيانىڭ كوتايك وبلىسىنداعى ەگۆارد قالاسىنىڭ ماڭىندا اپاتقا ۇشىرادى، ەكى ادام قازا تاپتى.
2024 جىلى 3 مامىردا قازاقستاننىڭ قوستاناي وبلىسىندا تۋرا وسى ماركالى ۇشاق اپاتقا ۇشىراعان. 21 شىلدەدە ان-2 تاعى دا اپاتقا ۇشىرادى.
