الماتىدان انتالياعا ۇشقان Air Astana اۋە كومپانياسىنىڭ ۇشاعى تەحنيكالىق سەبەپتەرگە بايلانىستى اقتاۋ اۋەجايىنا قونۋعا ءماجبۇر بولدى، دەپ حابارلايدى "ادىرنا" ۇلتتىق پورتالى.
"8 قاڭتار كۇنى جەرگىلىكتى ۋاقىتپەن ساعات 08:35-تە الماتى – انتاليا باعىتىنداعى كس915 رەيسىن ورىنداعان Airbus A321 ۇشاعى تەحنيكالىق سەبەپكە بايلانىستى اقتاۋ اۋەجايىنا شتاتتىق رەجيمدە قوندى. وعان ورتالىق باكتاعى جانارماي جۇيەسىنىڭ قورعانىس كلاپانىنداعى اقاۋ ساباپ بولدى. رەيس قوسالقى بولشەكتى الماتىدان جەتكىزۋ قاجەتتىلىگىنە بايلانىستى 9 قاڭتار ساعات 09:20-عا اۋىستىرىلدى. جولاۋشىلارعا تاماقتانۋ مەن قوناق ۇيدە تۇرۋ قامتاماسىز ەتىلدى. انتالياداعى جولاۋشىلار ءۇشىن دە وسىنداي شارالار قابىلدانۋدا", – دەپ حابارلادى اۋە كومپانياسىنىڭ وكىلدەرى.
اقتاۋ اۋەجايىنىڭ ءباسپاسوز قىزمەتى دە تەحنيكالىق سەبەپكە بايلانىستى ۇشاقتىڭ قونعانىن راستادى. بىراق ەگجەي-تەگجەيلى مالىمەتتەر بەرمەدى.
