13 ناۋرىز كۇنى كەشكەاقش-تىڭ دەنۆەر حالىقارالىق اۋەجايىندا بورتىندا جولاۋشىلار وتىرعان American Airlines ۇشاعى ورتەندى. بۇل تۋرالى Fox News-كە جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، ۇشاقتىڭ كولورادو-سپرينگستەن شىعىپ، داللاس/فورت-ۋەرت حالىقارالىق اۋەجايىنا باعىت العانىن، الايدا دەنۆەرگە ءماجبۇرلى تۇردە قونۋعا تۋرا كەلگەنىن ايتتى.
ۇشاق قونعاننان كەيىن جولاۋشىلاردى تۇسىرۋگە دايىندالىپ جاتقاندا، "قوزعالتقىشقا بايلانىستى ماسەلە تۋىنداپ", ءورت شىققان. وقيعا جەرگىلىكتى ۋاقىت بويىنشا شامامەن 18:00-دە بولعان.
"ۇشاقتاعى 172 جولاۋشى مەن 6 ەكيپاج مۇشەسى ەۆاكۋاتسيالانىپ، تەرمينالعا جىبەرىلدى. ءبىز ەكيپاج مۇشەلەرىنە، دەنۆەر اۋەجايىنىڭ قىزمەتكەرلەرىنە جانە توتەنشە جاعداي قىزمەتتەرىنە بارلىق جولاۋشىلار مەن اۋەجايداعى ادامداردىڭ قاۋىپسىزدىگىن قامتاماسىز ەتۋگە باعىتتالعان جىلدام ءارى باتىل ارەكەتتەرى ءۇشىن العىسىمىزدى بىلدىرەمىز", دەلىنگەن اۋەكومپانيا مالىمدەمەسىندە.
اۋەجاي وكىلىنىڭ مالىمەتىنشە، اۋە كەمەسى C38 شىعىس قاقپاسىندا ورەنگەن.
جاريالانعان ۆيدەوكادرلارعا قاراعاندا، ەۆاكۋاتسيا كەزىندە جولاۋشىلار ۇشاق قاناتى ارقىلى شىعارىلعان، ال ۇشاقتان قويۋ ءتۇتىن شىعىپ جاتقان.
ءورت سوندىرىلگەن، زارداپ شەككەندەر جوق. ءورتتىڭ ناقتى سەبەبى ءالى انىقتالعان جوق.
