بۇگىن ەرەكەڭ - ەرمەك تۇرسىنوۆتىڭ تۋعان كۇنى ەكەن. اعا جۋرناليستەر ۇمىتا الماي جۇرگەن “قازاق جۋرناليستيكاسىنىڭ التىن داۋىرىندە” “31 ارنانى” الداسپانداي جارقىلداتقان باتىل مىنەزدى ازامات.
استانادان قانداي قوڭىراۋ شالىنسا دا “مەن جۋرناليستەرگە ولاي ايتپاڭدار دەي المايمىن” دەپ جىميىپ وتىراتىن.
كوممەرتسيالىق ارنالاردا رەداكتسيالاردى جالاقىدان الالاۋ بولۋشى ەدى، ەرەكەڭ وتىز بىردەگى سول كەمشىلىكتى جويىپ، ءبىر جاپىراق قاعازىمىزعا قول قويىپ، قازاق جۋرناليستەرىنىڭ ايلىعىن بىردەن ەكى ەسە كوتەرگەن بولاتىن.
بايبارىس سۇلتاندى ۇزاق زەرتتەپ “مامليۋك” رومانىن جازدى، قايتا-قايتا قوزعاپ ءجۇرىپ كەسەنەسىنىڭ جوندەلۋىنە تۇرتكى بولدى.
مۇستافا شوقاي جايلى ەڭبەگى ءبىر توبە.
ءدىن تۋرالى ويى ءۇشىن الدەكىمدەر باسىن جارعاندا دا سىر بەرىپ، پىكىرىنەن اينىعان جوق. ءبىر شامىرقانعاندا “قازاق ادەبيەتىندە” “شالى كوپ، اقساقالى جوق داۋىرگە تاپ بولدىق” دەگەن ەدى، ەندى ءوزى شال مەن اقساقالدىڭ تارازىسىنا تارتىلار شاماعا كەلىپتى. ابىرويلى بولىڭىز، ەرەكە!
Serik Abikenuly
