ءبىر اپتا بويى ازەربايجان شەكاراسىندا تۇرىپ قالعان قازاقستاندىق جۇك تاسىمالداۋشى نۇرجان جاناەۆتىڭ ماسەلەسى وڭ شەشىمىن تاپتى، دەپ حابارلايدى "ادىرنا" ۇلتتىق پورتالى.
ول ەلگە جانە باق وكىلدەرىنە العىسىن ءبىلدىردى.
نۇرجان جاناەۆ قىتايدان قۇجات راسىمدەپ، 8 كولىك تيەپ ازەربايجانعا بەت العان بولاتىن. الايدا شەكارادا ازەربايجاندىق كەدەنشىلەر ونىڭ قۇجاتتارىنىڭ تولىق ەمەس ەكەنىن ايتىپ، تولقۇجات پەن تەحنيكالىق قۇجاتتارىن العانى حابارلانعان.
قۇجاتتارىنىڭ ەلەكتروندى نۇسقاسىن كورسەتكەنىمەن، رەسەيلىك كەدەننىڭ ءمورى جوق دەگەن سەبەپپەن ونى ارى قاراي وتكىزبەدى. بۇل جاعداي ونى 5 مىڭ شاقىرىم ءجۇرىپ، دىتتەگەن جەرىنە 200 شاقىرىم قالعاندا جولدا قالدىردى.
جۋرناليستەر وقيعانىڭ ءمان-جايىن انىقتاپ، ازەربايجانداعى قازاقستان ەلشىلىگى مەن سىرتقى ىستەر مينيسترلىگىنە سۇراۋ سالدى. جاناەۆتىڭ ايتۋىنشا، ارنايى كوميسسيا كەلگەن.
«ەلىمە راقمەت! قازاقستان جۋرناليستەرىنە راقمەت! سىزدەر اتسالىسىپ، ماسەلەمدى بەي-جاي قالدىرماي، كومەكتەستىڭىزدەر. كوميسسيا كەلىپ، قۇجاتتارىمىزدى كورىپ، ءمور دە قاجەت بولماي قالدى. سىزدەردىڭ ارقالارىڭىزدا ءبارىمىزدىڭ جولىمىز اشىلدى»، – دەدى نۇرجان جاناەۆ.
