ءبىر كەزدەرى تۇڭعىش پرەزيدەنت نۇرسۇلتان نازارباەۆتىڭ رەزيدەنتسياسى بولعان، كەيىننەن شىعىس قازاقستان وبلىسىنىڭ ەكس-اكىمى دانيال احمەتوۆ تۇرعان ەكى قاباتتى ءۇي ساتىلىمعا شىعارىلدى، دەپ حابارلايدى «ادىرنا» ءتىلشىسى Hola News-كە سىلتەمە جاساپ.
«جالپى اۋدانى 3179,9 شارشى مەتردى قۇرايتىن ەكى قاباتتى پروفيلاكتوريا عيماراتىنىڭ باستاپقى باعاسى — 1 115 893 000 تەڭگە»،– دەلىنگەن ەلەكتروندىق اۋكتسيون سايتىندا.
مۇلىك الەۋەتتى ينۆەستورعا ساتىپ الۋ قۇقىعىمەن سەنىمگەرلىك باسقارۋعا بەرىلەدى. ول جوندەۋ جۇمىستارىن جۇرگىزىپ، ينجەنەرلىك جەلىلەردى تەكسەرىپ، كونفەرەنتس-زال، كوۆوركينگتەر، قوناقۇي بولمەلەرى، ساۋدا پاۆيلوندارى، باسسەيندەر مەن مەيرامحانالار سالۋى كەرەك. جوندەۋ جانە ىسكە قوسۋ جۇمىستارى ءۇشىن ءۇش جىل ىشىندە كەمىندە 800 ميلليون تەڭگە قاجەت بولادى دەپ بولجانىپ وتىر.
