Bir kezderi tuńǵysh prezıdent Nursultan Nazarbaevtyń rezıdenııasy bolǵan, keıinnen Shyǵys Qazaqstan oblysynyń eks-ákimi Danıal Ahmetov turǵan eki qabatty úı satylymǵa shyǵaryldy, dep habarlaıdy «Adyrna» tilshisi Hola News-ke silteme jasap.
«Jalpy aýdany 3179,9 sharshy metrdi quraıtyn eki qabatty profılaktorııa ǵımaratynyń bastapqy baǵasy — 1 115 893 000 teńge»,– delingen elektrondyq aýkıon saıtynda.
Múlik áleýetti ınvestorǵa satyp alý quqyǵymen senimgerlik basqarýǵa beriledi. Ol jóndeý jumystaryn júrgizip, ınjenerlik jelilerdi tekserip, konferen-zal, kovorkıngter, qonaqúı bólmeleri, saýda pavılondary, basseınder men meıramhanalar salýy kerek. Jóndeý jáne iske qosý jumystary úshin úsh jyl ishinde keminde 800 mıllıon teńge qajet bolady dep boljanyp otyr.
