بۇگىن – پرەزيدەنت قاسىم-جومارت توقاەۆتىڭ تۋعان كۇنى. مەملەكەت باسشىسى 71 جاسقا تولدى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ 1953 جىلى 17 مامىردا الماتى قالاسىندا تۋعان. اكەسى – كەمەل توقايۇلى توقاەۆ (1923-1986) ۇلى وتان سوعىسىنىڭ ارداگەرى، بەلگىلى جازۋشى، قازاق ادەبيەتىنىڭ دەتەكتيۆتى-شىتىرمان وقيعالى جانرىنىڭ نەگىزىن قالاۋشى. شەشەسى – تۇرار شابارباەۆا (1931-2000) الماتى شەت تىلدەرى پەداگوگيكالىق ينستيتۋتىندا قىزمەت ەتكەن.
ق.ك.توقاەۆ 1975 جىلى ماسكەۋ مەملەكەتتىك حالىقارالىق قاتىناستار ينستيتۋت بىتىرگەن. كسرو-نىڭ قىتاي حالىق رەسپۋبليكاسىنداعى ەلشىلىگىندە ديپلوم الدىنداعى تاعىلىمدامادان وتكەن. 1983-1984 جىلدار ارالىعىندا بەيجىڭ لينگۆيستيكا ينستيتۋتىندا تاعىلىمدامادان ءوتتى. 1992 جىلى رەسەي فەدەراتسياسى سىرتقى ىستەر مينيسترلىگىنىڭ ديپلوماتيالىق اكادەمياسىن ءتامامدادى.
ول 1993 جىلى سىرتقى ىستەر ءمينيسترىنىڭ ءبىرىنشى ورىنباسارى جانە 1994 جىلى سىرتقى ىستەر ءمينيسترى بولىپ تاعايىندالدى. 1999 - 2002 جىلدارى توقاەۆ پرەمەر-مينيستر بولدى. وسى كەزدە ۇكىمەت قۇرامىنداعى ءبىرشاما تۇلعالار وپپوزيتسياعا ءوتتى. پرەمەر ولاردى "كيندەر-سيۋرپريز" دەپ اتادى.
سىرتقى ىستەر ءمينيسترى لاۋازىمىندا ق-ج. توقاەۆ، تۇتاستاي العاندا، 10 جىل ەڭبەك ەتتى (1994-1999, 2002-2007).
2007 جىلدان باستاپ "نۇر وتان" پارتياسىنىڭ جانە وسى پارتيانىڭ ساياسي كەڭەسى بيۋروسىنىڭ مۇشەسى. قازاقستان رەسپۋبليكاسى قاۋىپسىزدىك كەڭەسىنىڭ مۇشەسى. توتەنشە جانە وكىلەتتى ەلشى. دۇنيەجۇزىلىك گۋمانيتارلىق جانە جاراتىلىستانۋ عىلىمدارى اكادەمياسىنىڭ تولىق مۇشەسى. قاۋىپسىزدىك جونىندەگى ميۋنحەن كونفەرەنتسياسى "عۇلامالار كەڭەسىنىڭ" مۇشەسى. شەنچجەن ۋنيۆەرسيتەتىنىڭ (قحر) جانە رەسەي فەدەراتسياسىنىڭ سىرتقى ىستەر مينيسترلىگى ديپلوماتيالىق اكادەمياسىنىڭ قۇرمەتتى پروفەسسورى. قازاقستاننىڭ حالىقارالىق قاتىناستار جونىندەگى كەڭەسىنىڭ قۇرمەتتى پرەزيدەنتى. جەنەۆا ديپلوماتيا جانە حالىقارالىق قاتىناستار مەكتەبىنىڭ قۇرمەتتى دەكانى. رەسەي بيوگرافيالىق قوعامىنىڭ تۇجىرىمى بويىنشا 2018 جىلدىڭ "جىل ادامى" لاۋرەاتتارىنىڭ تىزىمىنە ەنگەن. 13 جىل بويى قازاقستاننىڭ ۇستەل تەننيسى فەدەراتسياسىن باسقاردى.
2019 جىلعى 20 ناۋرىزدا نۇرسۇلتان نازارباەۆ وكىلەتىن ءوز ەركىمەن تابىستاعان سوڭ سەنات توراعاسى قاسىم-جومارت توقاەۆ پرەزيدەنت رەتىندە انت قابىلدادى. سول جىلعى ماۋسىم ايىنداعى سايلاۋدان سوڭ ول ەكىنشى رەت انت قابىلدادى.
2022 جىلى قاراشادا كەزەكتەن تىس پرەزيدەنتتىك سايلاۋ ءوتىپ، قاسىم-جومارت توقاەۆ 81,31% داۋىس جيناپ، ءۇشىنشى رەت انت قابىلدادى. ول بيلىككە كەلگەلى "تىڭدايتىن ۇكىمەت", جاڭا قازاقستان" جانە "ادىلەتتى قازاقستان" ۇرانىن كوتەرگەندىگىمەن ەستە قالدى.
