كوپ ۇزاماي حالقىمىزدىڭ سانى 20 ميلليونعا جەتەدى. بۇل تۋرالى مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى راسىمدە پرەزيدەنت قاسىم-جومارت توقاەۆ ايتتى، دەپ حابارلايدى “ادىرنا” ۇلتتىق پورتالى.
قازاقستان الەۋمەتتىك سالادا ايتارلىقتاي تابىسقا قول جەتكىزدى. قيىندىعى كوپ بولعان توقسانىنشى جىلداردا حالىق سانى كۇرت ازايدى. ءبىز قازىرگى تاڭدا وسى دەموگرافيالىق قۇلدىراۋدى ەڭسەردىك. كوپ ۇزاماي حالقىمىزدىڭ سانى 20 ميلليونعا جەتەدى. بۇل ەلىمىزدىڭ تۇراقتى دامۋىنىڭ ايقىن كورىنىسى دەۋگە بولادى.
«ۇلتتىق قور – بالالارعا» باستاماسىن جۇزەگە اسىرۋ ءۇشىن ءتيىستى زاڭ قابىلداندى. نەبارى ەكى ايدان كەيىن بالالارىمىزدىڭ ەسەپ-شوتىنا قارجى تۇسە باستايدى، - دەدى مەملەكەت باسشىسى.
