رۋمىنيانىڭ پرەزيدەنتى كلاۋس يوحاننيس 10 اقپاندا وپپوزيتسيالىق پارتيالاردىڭ يمپيچمەنت جاريالاۋ نيەتىنە بايلانىستى وتستاۆكاعا كەتەتىنىن مالىمدەدى، دەپ حابارلايدى “ادىرنا” ۇلتتىق پورتالى ria.ru-عا سىلتەپ.
ول بۇل شەشىمدى ەلدى ساياسي داعدارىستان قۇتقارۋ ءۇشىن قابىلداعانىن اتاپ ءوتتى. ءيوحاننيستىڭ وتستاۆكاسى 12 اقپاندا كۇشىنە ەنەدى. ونىڭ ورنىنا سەنات توراعاسى يليە بولوجان جاڭا پرەزيدەنت سايلانعانعا دەيىن ۋاقىتشا پرەزيدەنت مىندەتىن اتقارادى.
2024 جىلدىڭ قاراشا ايىندا وتكەن پرەزيدەنتتىك سايلاۋدىڭ ءبىرىنشى تۋرىندا ۋلتراۇلتشىل، رەسەيشىل كانديدات كەلين دجوردجەسكۋ جەڭىسكە جەتكەن بولاتىن. الايدا، جەلتوقسان ايىندا كونستيتۋتسيالىق سوت رەسەيدىڭ سايلاۋ پروتسەسىنە ارالاسۋى تۋرالى ايىپتاۋلارعا بايلانىستى سايلاۋ ناتيجەلەرىن جويدى. سودان كەيىن يوحاننيس جاڭا پرەزيدەنت سايلانعانعا دەيىن قىزمەتىندە قالۋعا ۋادە بەرگەن ەدى.
وپپوزيتسيالىق پارتيالار ءيوحاننيستى وتستاۆكاعا كەتۋگە شاقىرىپ، يمپيچمەنت پروتسەسىن باستاعان بولاتىن. يوحاننيس بۇل پروتسەستىڭ ەلدىڭ بەدەلىنە جانە الداعى سايلاۋ ناۋقانىنا تەرىس اسەر ەتەتىنىن ايتىپ، وتستاۆكاعا كەتۋدى ءجون كوردى.
قازىرگى ۋاقىتتا رۋمىنيادا جاڭا پرەزيدەنتتىك سايلاۋ 2025 جىلدىڭ مامىر ايىندا وتەدى دەپ جوسپارلانۋدا.
