Bügın – Prezident Qasym-Jomart Toqaevtyŋ tuǧan künı. Memleket basşysy 71 jasqa toldy, dep habarlaidy “Adyrna” ūlttyq portaly.
Qasym-Jomart Toqaev 1953 jyly 17 mamyrda Almaty qalasynda tuǧan. Äkesı – Kemel Toqaiūly Toqaev (1923-1986) Ūly Otan soǧysynyŋ ardagerı, belgılı jazuşy, qazaq ädebietınıŋ detektivtı-şytyrman oqiǧaly janrynyŋ negızın qalauşy. Şeşesı – Tūrar Şabarbaeva (1931-2000) Almaty şet tılderı pedagogikalyq institutynda qyzmet etken.
Q.K.Toqaev 1975 jyly Mäskeu memlekettık halyqaralyq qatynastar institut bıtırgen. KSRO-nyŋ Qytai Halyq Respublikasyndaǧy elşılıgınde diplom aldyndaǧy taǧylymdamadan ötken. 1983-1984 jyldar aralyǧynda Beijıŋ lingvistika institutynda taǧylymdamadan öttı. 1992 jyly Resei federasiiasy syrtqy ıster ministrlıgınıŋ diplomatiialyq akademiiasyn tämamdady.
Ol 1993 jyly Syrtqy ıster ministrınıŋ bırınşı orynbasary jäne 1994 jyly Syrtqy ıster ministrı bolyp taǧaiyndaldy. 1999 - 2002 jyldary Toqaev premer-ministr boldy. Osy kezde ükımet qūramyndaǧy bırşama tūlǧalar oppozisiiaǧa öttı. Premer olardy "kinder-siurpriz" dep atady.
Syrtqy ıster ministrı lauazymynda Q-J. Toqaev, tūtastai alǧanda, 10 jyl eŋbek ettı (1994-1999, 2002-2007).
2007 jyldan bastap "Nūr Otan" partiiasynyŋ jäne osy partiianyŋ saiasi keŋesı biurosynyŋ müşesı. Qazaqstan Respublikasy Qauıpsızdık Keŋesınıŋ müşesı. Tötenşe jäne Ökılettı Elşı. Düniejüzılık gumanitarlyq jäne jaratylystanu ǧylymdary akademiiasynyŋ tolyq müşesı. Qauıpsızdık jönındegı Miunhen konferensiiasy "Ǧūlamalar keŋesınıŋ" müşesı. Şenchjen universitetınıŋ (QHR) jäne Resei Federasiiasynyŋ Syrtqy ıster ministrlıgı Diplomatiialyq akademiiasynyŋ qūrmettı professory. Qazaqstannyŋ halyqaralyq qatynastar jönındegı keŋesınıŋ qūrmettı prezidentı. Jeneva Diplomatiia jäne halyqaralyq qatynastar mektebınıŋ qūrmettı dekany. Resei biografiialyq qoǧamynyŋ tūjyrymy boiynşa 2018 jyldyŋ "Jyl adamy" laureattarynyŋ tızımıne engen. 13 jyl boiy Qazaqstannyŋ üstel tennisı federasiiasyn basqardy.
2019 jylǧy 20 nauryzda Nūrsūltan Nazarbaev ökıletın öz erkımen tabystaǧan soŋ senat töraǧasy Qasym-Jomart Toqaev prezident retınde ant qabyldady. Sol jylǧy mausym aiyndaǧy sailaudan soŋ ol ekınşı ret ant qabyldady.
2022 jyly qaraşada kezekten tys prezidenttık sailau ötıp, Qasym-Jomart Toqaev 81,31% dauys jinap, üşınşı ret ant qabyldady. Ol bilıkke kelgelı "Tyŋdaityn ükımet", Jaŋa Qazaqstan" jäne "Ädılettı Qazaqstan" ūranyn kötergendıgımen este qaldy.
Ūqsas jaŋalyqtar
