دينارا ءساتجان پرەزيدەنتتەن ەكى ايعا قاماۋعا الىنعان وتاندىق جۋرناليست ميحايل كوزاچكوۆتى بوساتۋدى سۇرادى. بۇل تۋرالى ول Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ء“بىز قازۇۋ-ءنىڭ جۋرناليستيكا فاكۋلتەتىندە ءبىر توپتا 5 جىل بىرگە وقىدىق. ول شىندىق ءۇشىن شىرىلداپ، ادىلدىك ءۇشىن كۇرەسەتىن. ونىڭ Telegram-داعى كانالىنا 90 مىڭ ادام جازىلعان. ونىڭ 70%-ى ەلوردامىزدىڭ سول جاق جاعالاۋىندا تۇراتىن شەنەۋنىكتەر. ول جەمقورلىق تۋرالى جازۋعا قورىقتى دەپ ويلايسىزدار ما؟ مەنىڭ ويىمشا، جوق. ميحايل ءوز ءىسىنىڭ مامانى. ول زاڭدى جاقسى بىلەدى. سونداي-اق، ول ءوزىن اڭدىپ، باقىلاپ وتىراتىن ادامداردىڭ بارىن جاقسى تۇسىنەتىن”، – دەيدى دينارا ءساتجان.
تەلەجۇرگىزۋشىنىڭ ايتۋىنشا، ونى اشىق تۇردە قورقىتقاندار دا تابىلعان.
“جازدا ءميحايلدىڭ اۆتوكولىگىن زاقىمداپ كەتتى. ونى وتباسىمەن قورقىتتى. ءيا، ول كوپ ادامعا كەدەرگى بولدى. بىراق تانىمال ءجۋرناليستتى رەيدەرەرلىك جاسادى، ونسىز دا بارىنە قولجەتىمدى مەملەكەتتىك قۇپيانى تاراتتى دەپ ايىپتاپ، تۇرمەگە توعىتۋ – ادىلەتسىزدىك. سوت ءادىل وتەدى دەپ سەنەمىن. ال ەلباسىمىزدان ميحايل كوزاچكوۆتى ۇيقاماققا شىعارۋدى سۇرايمىن. ول قوعامعا ەش قاۋىپ توندىرمەيدى. ول كىسى ءولتىرۋشى ەمەس. پەدوفيل، زورلاۋشى ەمەس. ول جۋرناليست. ونىڭ قارۋى – شىندىق. اششى، بىراق شىندىق! بولماسا، قازاقستانداعى جۋرناليستىك زەرتتەۋدەن باس تارتايىق”، – دەپ جازدى ول.
