استانا سوتىندا جەدەل جاردەم ستانتسياسىنىڭ ديرەكتورى مۇرات ورازباەۆقا بىرنەشە رەت پارا الدى دەگەن ايىپ تاعىلدى. سوتتىڭ مالىمەتىنشە، پارا الۋدا دەلدالدىق جاسادى دەپ ايىپتالعان فەلدشەر دە سوتقا تارتىلدى، دەپ حابارلايدى “ادىرنا” ۇلتتىق پورتالى.
“جەدەل مەديتسينالىق جاردەم ستانتسياسىنىڭ باسشىسى 2022-2023 جىلدار كەزەڭىندە باس فەلدشەردەن مەديتسينالىق كوللەدجدەردە اقىلى نەگىزدە وقۋ پراكتيكاسىن وتكىزۋگە جاردەمدەسكەنى جانە جالپى قامقورلىعى ءۇشىن 676 مىڭ تەڭگە سوماسىندا پارا الدى»، - دەپ حابارلادى سوتتا.
سونداي-اق، 2023 جىلدىڭ ءساۋىر ايىندا ورازباەۆ جەدەل جاردەم ستانتسياسى جانىنداعى وسى اكادەميا ستۋدەنتتەرىنىڭ وندىرىستىك پراكتيكاسىنان وتكىزگەنى ءۇشىن جەكە كومپانيا ديرەكتورىنىڭ ورىنباسارىنان فەلدشەر ارقىلى 100 مىڭ تەڭگە العان.
ورازباەۆ كىنالى دەپ تانىلىپ، پارانىڭ 46,6 ەسەلەنگەن سوماسى مولشەرىندە ايىپپۇل سالىندى. وعان 36 ملن تەڭگە تولەيتىن بولدى. فەلدشەر 2 ملن تەڭگە وتەيدى.
ايتا كەتەيىك، مۇرات ورازباەۆ 1976 جىلى 9 قازاندا قىزىلوردادا دۇنيەگە كەلگەن.
ەڭبەك جولىن 2000 جىلى قىزىلوردا وبلىسى جالاعاش اۋداندىق ورتالىق اۋرۋحاناسىنىڭ حيرۋرگ-دارىگەرى بولىپ باستاعان. 2001 جىلدان 2008 جىلعا دەيىن قىزىلوردا وبلىستىق مەديتسينالىق ورتالىعىندا رەانيماتولوگ-انەستەزيولوگ، توكسيكولوگيا جانە گبو بولىمشەسىنىڭ مەڭگەرۋشىسى، رەانيماتسيا جانە قارقىندى تەراپيا بولىمشەسىنىڭ مەڭگەرۋشىسى، باس توكسيكولوگ، قىزىلوردا وبلىسى دەنساۋلىق ساقتاۋ دەپارتامەنتىنىڭ باس رەانيماتولوگى بولىپ جۇمىس ىستەدى.
2009 جىلدان باستاپ ەڭبەك جولىن استانا ۇلتتىق مەديتسينالىق حولدينگىنىڭ رەسپۋبليكالىق جەدەل مەديتسينالىق كومەك عىلىمي ورتالىعىندا جالعاستىردى.
2011 جىلى اۋرۋحانا اكىمشىلىگىندە (MD MBA) ىسكەري اكىمشىلىك ماگيسترى اكادەميالىق دارەجەسى بەرىلدى.
2017 جىلعى 19 مامىردان 2019 جىلعى قاراشاعا دەيىن "رەسپۋبليكالىق سانيتاريالىق اۆياتسيا ورتالىعى" شجق رمك وڭىرلىك دامۋ جونىندەگى ديرەكتورىنىڭ ورىنباسارى، "قر م3 شۇعىل مەديتسينانىڭ ۇلتتىق ۇيلەستىرۋ ورتالىعى" شجق رمك باسقارما توراعاسىنىڭ ورىنباسارى. قر جەدەل مەديتسينالىق كومەك قاۋىمداستىعىنىڭ اتقارۋشى ديرەكتورى. ددۇ تج-عا دەن قويۋ جونىندەگى ۇلتتىق ۇيلەستىرۋشى.
2020 جىلى "قۇرمەت"وردەنىمەن ماراپاتتالعان.
