استاناداعى تالدىكولدە ەكى بالانىڭ سۋدا جۇزگەن اققۋلارعا بىرنەشە رەت تاس لاقتىرعان ءساتى بەينەجازباعا ءتۇسىپ، الەۋمەتتىك جەلىلەردە كەڭىنەن تارادى. بۇل وقيعا كوپشىلىكتىڭ اشۋ-ىزاسىن تۋدىرىپ، بالالاردىڭ ارەكەتىن قاتاڭ سىنعا الدى، دەپ حابارلايدى “ادىرنا” ۇلتتىق پورتالى.
جەلى قولدانۋشىلارى بالالاردىڭ مۇنداي ارەكەتىن جانۋارلارعا قاتىگەزدىك دەپ باعالاپ، ولاردىڭ اتا-انالارىن جاۋاپكەرشىلىككە تارتۋ قاجەتتىگىن العا تارتتى. كوپشىلىك بۇل جاعدايدى بالالاردىڭ تاربيەسىنە قاتىستى ماسەلەلەردىڭ كورىنىسى رەتىندە قابىلدادى.
استانا قالاسىنىڭ پوليتسيا دەپارتامەنتى اتالعان بەينەجازبانى تەكسەرىپ جاتقانىن حابارلادى. قۇقىق قورعاۋ ورگاندارى وقيعانىڭ ءمان-جايىن انىقتاپ، ءتيىستى شارالار قابىلداۋعا ۋادە بەردى.
ايتا كەتەيىك، بۇعان دەيىن دە تالدىكولدە اققۋلاردىڭ مۇز قۇرساۋىندا قالىپ قويعانى تۋرالى جاعدايلار تىركەلگەن بولاتىن.
