استاناداعى تۇرعىن ءۇي كەشەندەرىنىڭ بىرىندە ليفتىدە بەس جاسار بالاعا شابۋىل جاساپ، قولىنداعى پىشاقپەن بەتىن تىلگىلەپ تاستاعان ءجاسوسپىرىم پسيحياتريالىق اۋرۋحاناعا جاتقىزىلدى. بۇل تۋرالى بالا قۇقىقتارى جونىندەگى ۋاكىل دينارا زاكيەۆا ءمالىم ەتتى، دەپ حابارلايدى “ادىرنا” ۇلتتىق پورتالى.
بالالار ومبۋدسمەنىنىڭ ايتۋىنشا، سوت ونى وقشاۋلاۋ تۋرالى شەشىم قابىلداعان.
«استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ 2025 جىلدىڭ 12 اقپانىنداعى قاۋلىسىنا سايكەس، مەديتسينالىق مەكەمەگە ورنالاستىرىلدى. ول كۇشەيتىلگەن باقىلاۋعا الىندى»، - دەدى بالالار ومبۋدسمەنى CMN-گە.
سونداي-اق دينارا زاكيەۆا وتكەن جىلى كامەلەتكە تولماعاندار 1890 قىلمىستىق قۇقىق بۇزۋشىلىق جاساعانىن، ونىڭ 130-ى اسا اۋىر ەكەنىن، سونداي-اق جاسوسپىرىمدەردىڭ قولىمەن نەمەسە ولاردىڭ قاتىسۋىمەن جاسالعان 12 كىسى ءولتىرۋ فاكتىسىن ايتتى.
«قىلمىس جاساعاننان كەيىن ءماجبۇرلى ەمدەلۋدەن وتكەن پسيحيكالىق اۋىتقۋلارى بار ادامدار ورنالاسقان مەكەمەدە قازىر 745 ادام باقىلاۋدا. ونىڭ بىرەۋى – 2025 جىلى تۇسكەن بالا. 2024 جىلى كامەلەتكە تولماعاندار قابىلدانعان جوق»، - دەپ ءتۇسىندىردى دينارا زاكيەۆا.
