ەقىۇ-نىڭ استاناداعى باعدارلامالار ءوفيسىنىڭ باسشىسى، ەلشى الەكسەي روگوۆ ديپلوماتيالىق كورپۋسقا ارنالعان بريفينگكە قاتىستى. ءىس-شارا استانا قالاسىندا ءوتتى.
كەزدەسۋ بارىسىندا قازاقستان رەسپۋبليكاسىنىڭ جاڭا كونستيتۋتسيا جوباسىنىڭ نەگىزگى ەرەجەلەرى تانىستىرىلدى. اتاپ ايتقاندا، قۇجاتتا ادام قۇقىقتارىنىڭ كەپىلدىكتەرىن كۇشەيتۋ، مەملەكەتتىڭ زايىرلىلىق قاعيداتىن بەكىتۋ، تسيفرلىق ورتاداعى قۇقىقتاردى قورعاۋ جانە حالىقارالىق مىندەتتەمەلەردى ورىنداۋ نورمالارى قامتىلعانى ايتىلدى.
بريفينگ بارىسىندا كونستيتۋتسيالىق رەفورمالاردىڭ ەلدەگى ساياسي-قۇقىقتىق جۇيەنى جەتىلدىرۋدەگى ماڭىزى ەرەكشە ەكەنى اتاپ ءوتىلدى. سونىمەن قاتار قۇجات ازاماتتاردىڭ قۇقىقتارى مەن بوستاندىقتارىن قورعاۋدى جاڭا دەڭگەيگە كوتەرۋگە باعىتتالعانى ايتىلدى.
ەقىۇ وكىلدەرى ءوز مانداتىنا سايكەس رەفورمالاردى ىلگەرىلەتۋ ماقساتىندا قابىلداۋشى ەلدىڭ مەملەكەتتىك ورگاندارىمەن، ۇلتتىق سەرىكتەستەرمەن جانە باسقا دا مۇددەلى تاراپتارمەن ىنتىماقتاستىقتى جالعاستىرۋعا دايىن ەكەنىن مالىمدەدى.
