استانادا قاماۋعا الىنعان جۋرناليست دانيار ادىلبەكوا ۋاقىتشا ۇستاۋ يزولياتورىنان حات جازىپ، ارىپتەستەرىنە جۇگىنگەن. حاتا 27 ناۋرىزدا ەنەرگەتيكا ۆيتسە-ءمينيسترى ەرلان اقكەنجەنوۆتىڭ تاپسىرماسى بويىنشا ۇستالعانىن ايتادى. بۇل تۋرالى Press.kz جازدى، دەپ حابارلايدى “ادىرنا” ۇلتتىق پورتالى.
باسىلىمنىڭ مالىمەتىنشە، جۋرناليستكە قر قىلمىستىق كودەكسىنىڭ 419-بابى «كورىنەۋ جالعان حابارلاۋ» بويىنشا ايىپ تاعىلدى.
«مەن سىزدەردى، ەلدىڭ تاۋەلسىز باق-ىن جۋرناليستىك زەرتتەۋ جۇرگىزۋگە شاقىرامىن. مەنىڭ سۇراعىم بار: ەرلان اقكەنجەنوۆكە بۇل ادەيى جالعان ايىپتاۋ ەكەنىن راستاۋ ءۇشىن تەكسەرۋ بولدى ما؟ مەن ونىڭ ۇستىنەن قۇقىق قورعاۋ ورگاندارىنا ارىز جازعان جوقپىن، تەك قۇزىرلى ورگانداردى (ال بۇل قر ەنەرگەتيكا مينيسترلىگىنىڭ ادەپ جونىندەگى كوميتەتى بولۋى مۇمكىن) شاقىردىم. ارگۋمەنتتەر قانداي دا ءبىر جولمەن تەكسەرىلدى مە؟ جاۋاپ جوق. ەلدى تالان-تاراجعا سالىپ، قازاق مۇنايىنىڭ ەكسكليۋزيۆتى ساتىپ الۋشىسى ءۆيتتولدىڭ مۇددەسىن جاقتايتىندار، مەنى شىندىق ءۇشىن سوتتاپ جاتىر دەپ ەسەپتەيمىن»، - دەدى ادىلبەكوۆ.
