تالدىقورعاندا تەرگەۋ يزولياتورىندا وتىرعان جۋرناليست دۋمان مۇحاممەدكارىمنىڭ ءىسى بويىنشا تەرگەۋ اياقتالدى. بۇل جونىندە ءجۋرناليستىڭ ادۆوكاتى عالىم نۇرپەيىسوۆ ازاتتىققا مالىمدەدى, دەپ حابارلايدى «ادىرنا» ۇلتتىق پورتالى.
– تەرگەۋ امالى ءبىتتى. تەرگەۋشى كەشە (10 قاراشا – رەد.) ىسپەن تانىسۋعا شاقىردى. ايتا كەتەتىن نارسە، ءبىز ءاۋ باستان-اق تەرگەۋشىلەرگە جاۋاپ بەرۋدەن باس تارتقانبىز، ويتكەنى مۇندا ەشقانداي قىلمىس قۇرامى جوق. دۋمان – جۋرناليست. ونى «ەكسترەميستىك ۇيىمنىڭ ىسىنە ارالاسۋ جانە «ەكسترەميزمدى قارجىلاندىرۋ» بويىنشا كىنالاپ وتىر. ونى «قازاقستاننىڭ دەموكراتيالىق تاڭداۋى» قوزعالىسىن قولداپ، يدەيالارىن تاراتىپ وتىر دەپ ايىپتايدى. بىراق دۋماننىڭ قدت-عا ەشقانداي قاتىسى جوق... ءبىز جاۋاپتى سوت كەزىندە بەرەمىز. سەبەبى تەرگەۋ كەزىندە ايتساڭ دا، ايتپاساڭ دا ءبارىبىر سەنبەيدى، – دەدى ادۆوكات عالىم نۇرپەيىسوۆ.
«ادىرنا» ۇلتتىق پورتالى
