عىلىم، مادەنيەت جانە ونەر قايراتكەرلەرى ەكس-مادەنيەت ءمينيسترى ارىستانبەك مۇحامەديۇلىنىڭ ءىسىن تەرگەۋدى باقىلاۋعا الۋدى سۇراپ، قاسىم-جومارت توقاەۆقا حات جولدادى، دەپ حابارلايدى “ادىرنا” ۇلتتىق پورتالى.
حات جولداعانداردىڭ ىشىندە مەديتسينا عىلىمىنىڭ دوكتورى تورەگەلدى شارمانوۆ، كسرو حالىق ءارتىسى، سوتسياليستىك ەڭبەك ەرى بيبىگۇل تولەگەنوۆا، قازاقستاننىڭ حالىق جازۋشىلارى ولجاس سۇلەيمەنوۆ پەن مۇحتار شاحانوۆ، مەملەكەتتىك سىيلىقتىڭ لاۋرەاتى ءسابيت دوسانوۆ، حالىق ءارتىسى ءاسانالى ءاشىموۆ بار.
«ءبىز تەك ادىلدىكتىڭ بولعانىن قالايمىز…ادىل قازاقستان بارشاعا، سونىڭ ىشىندە ءبىزدىڭ كوز الدىمىزدا وسكەن ا.مۇحامەديۇلىنا دا ءادىل بولۋى كەرەك دەپ ەسەپتەيمىز. ول كىسىنىڭ ارام ويى جوق، جانى كەڭ ادام دەپ بىلەمىز”، دەلىنگەن قازاقستاننىڭ كورنەكتى قايراتكەرلەرىنىڭ حاتىندا.
ۇندەۋ اۆتورلارى ەكس-ءمينيستردىڭ ەلگە سىڭىرگەن ەڭبەگىن ءتىزىپ، ونىڭ تەك مادەنيەتتى دامىتۋعا عانا ەمەس، سپورتتا دا ۇلەس قوسقانىن اتاپ كورسەتەدى. سونداي-اق، حاتتا مۇحامەديۇلىنىڭ «كينەماتوگرافيا تۋرالى» زاڭنىڭ قابىلدانۋىن قامتاماسىز ەتكەنى، سودان كەيىن سالا ءۇشىن ناقتى ويىن ەرەجەلەرى پايدا بولعانى، تۇپتەپ كەلگەندە وتاندىق فيلمدەردىڭ ساپاسى مەن باسەكەگە قابىلەتتىلىگىنە اسەر ەتكەنى باسا ايتىلادى. شىلدە ايىنىڭ ءبىرىنشى جەكسەنبىسىندە ەلىمىزدە دومبىرا كۇنى اتالىپ وتۋىنە دە ەكس-ءمينيستردىڭ ەڭبەگى زور ەكەن.
«ءوزىڭىز ايتقانداي، ءادىل قازاقستاندى قۇرۋ ەندى عانا باستالىپ جاتىر. الدا تىكەندى جول كۇتىپ تۇر. ءبىز بىرگە ءادىل قازاقستاندى قۇرامىز. قاسيەتتى وتانىمىزدىڭ جارقىن بولاشاعى شىن مانىندە ءوز قولىمىزدا!». – دەلىنگەن ۇندەۋدە.
