قوستاناي وبلىسىندا كوپىر جارىلدى. بۇل تۋرالى «ناشا گازەتا» باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، قوستاناي وبلىسى ءدامدى اۋىلىنداعى كوپىر جارىلعان.
«ناۋىرزىم اۋدانىنداعى كوپىردە پايدا بولعان جارىقشاق سالدارىنان ونىڭ بۇزىلۋ قاۋپى ءتونىپ تۇرعانىن پوليتسيا دەپارتامەنتى حابارلادى. وسىعان بايلانىستى كوپىردەگى قوزعالىستى كولىكتىڭ بارلىق تۇرىنە جابۋ تۋرالى شەشىم قابىلداندى»،- دەلىنگەن دۇيسەنبى كۇنگى حابارلامادا.
سونداي-اق، «جەزقازعان-پەتروپاۆل» ا-16 رەسپۋبليكالىق تاس جولى ارقىلى اينالما جول قاراستىرىلعان.
«تۇسىنىستىك تانىتۋلارىڭىزدى سۇرايمىز! مارشرۋتتارىڭىزدى الدىن الا جوسپارلاڭىز جانە رەسمي اقپاراتقا سۇيەنىڭىز»،- دەدى پوليتسەيلەر.
