ءۇندىستاندا تاس كوشكىنى كوپىردى قيراتىپ ءتۇستى (ۆيدەو)

2762
Adyrna.kz Telegram

ءۇندىستاننىڭ سولتۇستىگىندەگى حيماچال-پرادەش شتاتىندا تاس كوشكىنى ورىن الىپ، وزەن ۇستىندەگى كوپىردى بۇزىپ كەتتتى، دەپ حابارلايدى "ادىرنا" ۇلتتىق پورتالى Reuters-كە سىلتەمە جاساپ.

ۇلكەن تاستار ميكرواۆتوبۋستى قيراتىپ كەتتى، كەم دەگەندە توعىز ادام قازا تاپتى. اگەنتتىكتىڭ حابارلاۋىنشا، قۇربان بولعاندار ءۇندىستاننىڭ باسقا ايماقتارىنان كەلگەن تۋريستەر جانە بىرنەشە ادام جاراقات العان. زارداپ شەككەندەردى تاسىمالداۋ ءۇشىن وقيعا ورنىنا تىكۇشاق كەلدى.

كۋاگەرلەر تۇسىرگەن كادرلاردان تاستاردىڭ توبەدەن جوعارى جىلدامدىقپەن قالاي ۇشىپ بارا جاتقانىن كورۋگە بولادى.

پرەمەر-مينيستر نارەندرا مودي قازا تاپقانداردىڭ وتباسىلارىنا كوڭىل ايتتى.

ءۇندىستاننىڭ كەيبىر بولىكتەرى قاتتى جاۋىن-شاشىننىڭ سالدارىنان كوشكىندەر مەن سۋ تاسقىنىنان زارداپ شەكتى، ويتكەنى ەلدە جىل سايىن ماۋسىمنان قىركۇيەككە دەيىن جاڭبىر جاۋادى. اتاپ ايتقاندا، شىلدە ايىندا قاتتى جاڭبىردىڭ سالدارىنان بولعان كوشكىن سالدارىنان ءۇندىستاننىڭ باتىسىنداعى ماحاراشترا شتاتىندا 136 ادام قايتىس بولدى.

ۆيدەونى مىنا سىلتەمە ارقىلى كورە الاسىز: https://twitter.com/i/status/1419248935579766785

"ادىرنا" ۇلتتىق پورتالى

پىكىرلەر