ءانشى ديماش قۇدايبەرگەن اقتوبە حالقىمەن كەزدەستى، دەپ حابارلايدى "ادىرنا" ءتىلشىسى.
ءانشى تۋعان جەرى اقتوبەگە كەلىپ، سۋ تاسقىنىنان زارداپ شەككەندەرمەن كەزدەستى.
ول № 40 مەكتەپتە ۋاقىتشا تۇرىپ جاتقان تۇرعىندارعا باردى. ديماش قۇدايبەرگەن قيىن ساتتە جەرلەستەرىمەن بىرگە ەكەنىن جەتكىزىپ، قايىرىمدىلىق قورىنا قارجى اۋدارعان.
ءانشى سۋ تاسقىنى باستالعان كەزدە حالىقتى سابىرعا شاقىرعانداردىڭ ءبىرى بولعان. ول الدىمەن باسپاناسىنا سۋ كىرگەن جەرلەستەرىنە قولداۋ ءبىلدىردى.
"بالا كەزدەن باستاپ تىلەۋىمدى تىلەپ، بيىككە قانات قاعىپ، قالىقتاپ ءجۇرسىن دەگەن تىلەك تىلەپ جۇرگەن جەرلەستەرىمنىڭ قال-جاعدايىن بىلمەي كەتە المادىم. جاڭالىقتاردان مەملەكەت تاراپىنان اۋقىمدى سومادا كومەك بەرىلىپ جاتىر دەگەندى وقىپ جاتىرمىن. ەڭ باستىسى، ەلىمىز امان بولسىن، جۇرتىمىز تىنىش بولسىن", - دەدى ءانشى.
ديماش قۇدايبەرگەن كۇن-ءتۇن دەمەي، سۋ تاسقىنىندا حالىققا قول ۇشىن سوزىپ جۇرگەن ەرىكتىلەرمەن كەزدەسىپ، العىس ايتتى.
