Ánshi Dımash Qudaıbergen Aqtóbe halqymen kezdesti, dep habarlaıdy "Adyrna" tilshisi.
Ánshi týǵan jeri Aqtóbege kelip, sý tasqynynan zardap shekkendermen kezdesti.
Ol № 40 mektepte ýaqytsha turyp jatqan turǵyndarǵa bardy. Dımash Qudaıbergen qıyn sátte jerlesterimen birge ekenin jetkizip, qaıyrymdylyq qoryna qarjy aýdarǵan.
Ánshi sý tasqyny bastalǵan kezde halyqty sabyrǵa shaqyrǵandardyń biri bolǵan. Ol aldymen baspanasyna sý kirgen jerlesterine qoldaý bildirdi.
"Bala kezden bastap tileýimdi tilep, bıikke qanat qaǵyp, qalyqtap júrsin degen tilek tilep júrgen jerlesterimniń qal-jaǵdaıyn bilmeı kete almadym. Jańalyqtardan memleket tarapynan aýqymdy somada kómek berilip jatyr degendi oqyp jatyrmyn. Eń bastysy, elimiz aman bolsyn, jurtymyz tynysh bolsyn", - dedi ánshi.
Dımash Qudaıbergen kún-tún demeı, sý tasqynynda halyqqa qol ushyn sozyp júrgen eriktilermen kezdesip, alǵys aıtty.
