Änşı Dimaş Qūdaibergen Aqtöbe halqymen kezdestı, dep habarlaidy "Adyrna" tılşısı.
Änşı tuǧan jerı Aqtöbege kelıp, su tasqynynan zardap şekkendermen kezdestı.
Ol № 40 mektepte uaqytşa tūryp jatqan tūrǧyndarǧa bardy. Dimaş Qūdaibergen qiyn sätte jerlesterımen bırge ekenın jetkızıp, qaiyrymdylyq qoryna qarjy audarǧan.
Änşı su tasqyny bastalǧan kezde halyqty sabyrǧa şaqyrǧandardyŋ bırı bolǧan. Ol aldymen baspanasyna su kırgen jerlesterıne qoldau bıldırdı.
"Bala kezden bastap tıleuımdı tılep, biıkke qanat qaǧyp, qalyqtap jürsın degen tılek tılep jürgen jerlesterımnıŋ qal-jaǧdaiyn bılmei kete almadym. Jaŋalyqtardan memleket tarapynan auqymdy somada kömek berılıp jatyr degendı oqyp jatyrmyn. Eŋ bastysy, elımız aman bolsyn, jūrtymyz tynyş bolsyn", - dedı änşı.Dimaş Qūdaibergen kün-tün demei, su tasqynynda halyqqa qol ūşyn sozyp jürgen erıktılermen kezdesıp, alǧys aitty.
Ūqsas jaŋalyqtar
