اقتوبە قالاسىنىڭ تۇرعىنى الەۋمەتتىك جەلىدەگى جازبالارى ءۇشىن ءدىني ارازدىق قوزدىردى دەگەن كۇدىكپەن قاماۋعا الىندى، دەپ "ادىرنا" ۇلتتىق پورتالى.
وقيعاعا قاتىستى تەكسەرىس جەرگىلىكتى تۇرعىننىڭ دومبىرا تۋرالى جاريالاعان ۆيدەوسىنان كەيىن باستالعان. وندا ەر ادام دومبىرا تارتۋدى «حارام» دەپ سيپاتتاعان.
اقتوبە وبلىستىق پوليتسيا دەپارتامەنتىنىڭ مالىمەتىنشە، كۇدىكتى الەۋمەتتىك جەلىلەردە ءدىني نەگىزدە ارازدىق پەن الاۋىزدىق تۋعىزۋعا باعىتتالعان پىكىرلەر جاريالاعان.
"جۇرگىزىلگەن جەدەل-ىزدەستىرۋ شارالارى ناتيجەسىندە كۇدىكتى انىقتالىپ، ۇستالدى. قازىرگى ۋاقىتتا ول ۋاقىتشا ۇستاۋ يزولياتورىنا قامالدى", – دەلىنگەن پوليتسيا حابارلاماسىندا. سوت شەشىمىمەن وعان بۇلتارتپاۋ شاراسى رەتىندە قاماۋدا ۇستاۋ سانكتسيالاندى.
قۇقىق قورعاۋ ورگاندارى قازاقستان زاڭناماسىندا الەۋمەتتىك، ۇلتتىق، ناسىلدىك نەمەسە ءدىني ارازدىق قوزدىرعانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالدى.
قازىرگى ۋاقىتتا ءىس بويىنشا تەرگەۋ امالدارى جالعاسۋدا.
