تالىپتەر كۇيەۋىنە وپاسىزدىق جاساعان ايەلدەردى تاسپەن ۇرۋ جازاسىنا كەسەدى. بۇل تۋرالى The Guardian جازدى، دەپ حابارلايدى «ادىرنا» ءتىلشىسى.
«جاقىندا زينا جاساعاندارعا ارنايى جازا قولداناتىن بولامىز. ءبىزدىڭ شەشىمىمىز دەموكراتيالىق پرينتسيپتەرىڭىزگە قايشى كەلەتىندىكتەن، ءسىز ونى ايەلدەردىڭ قۇقىقتارىن بۇزۋ دەپ اتاۋىڭىزعا بولادى. بىراق مەن اللانىڭ وكىلىمىن، ال ءسىز شايتاننىڭ وكىلىسىز»، - دەدى تالىپتەردىڭ كوشباسشىسى مۋللا حايباتۋللا احۋنزادا.
ايتا كەتەيىك، «تاليبان» ءدىني قوزعالىسى 2021 جىلى ەل بيلىگىنە ورالعاننان كەيىن كوپ نارسەگە شەكتەۋ قويعان ەدى. قىزدارعا جانە ايەلدەرگە مەكتەپ پەن ۋنيۆەرسيتەتكە، سپورتزالعا بارۋعا تىيىم سالىندى.
2023 جىلدىڭ شىلدەسىندە تالىپتەر كوپشىلىك الدىندا مۋزىكالىق اسپاپتاردى ورتەپ جىبەردى. ولار مۋزىكانىڭ مورالدىق قۇلدىراۋعا اپاراتىنىن مالىمدەدى.
ال 2023 جىلدىڭ جەلتوقسانىندا قازاقستان «تاليباندى» تىيىم سالىنعان ۇيىمدار تىزىمىنەن الىپ تاستادى.
