پرەزيدەنت اكىمشىلىگىنىڭ ءبىرىنشى ورىنباسارى داۋرەن اباەۆ قازاقستاندىق ۇلتشىلداردى اۋعان تەرروريستىك «تاليبان»* سالىستىرعان رەسەيلىك ساياساتكەر ۆلاديمير جيرينوۆسكيدىڭ مالىمدەمەسىنە قاتىستى پىكىر ءبىلدىردى. بۇل تۋرالى "ادىرنا" ۇلتتىق پورتالى Orda.kz سايتىنا سىلتەمە جاساپ حابارلايدى.
– ءبىز جيرينوۆسكيدىڭ قازاقستان تۋرالى جاريا مالىمدەمەسىنە ءمان بەرۋدى باياعىدان توقتاتۋىمىز كەرەك. تەك شوۋ، ساياسات جوق. ارينە، سايلاۋ الدىندا سايلاۋشىلاردان ۇپاي جيناۋعا تىرىسادى. ونى قارىنداشپەن ەمەس، قولعا پوپكورن الىپ تىڭداۋ كەرەك، – دەدى اباەۆ.
– ءتىل ماسەلەسىندەگى جانە ەتنوسارالىق قاتىناستار ماسەلەسىندەگى ساياساتقا كەلەتىن بولساق، پرەزيدەنت كەشە وسى تاقىرىپتا بارلىق سۇراقتارعا نۇكتەلەردى قويدى، – دەپ تۇيىندەدى قازاقستاندىق ساياساتكەر.
ەسكە سالا كەتەيىك، «ءتىل رەيدتەرىن» ۇيىمداستىرۋشى قۋات احمەتوۆكە قارسى قر قك-ءنىڭ 174-بابى «الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋ» بويىنشا قىلمىستىق ءىس قوزعالعان بولاتىن. زاڭعا سايكەس، ول جەتى جىلعا دەيىن باس بوستاندىعىنان ايرىلۋى مۇمكىن.
«تاليبان»* قوزعالىسى – قازاقستان اۋماعىندا تىيىم سالىنعان تەرروريستىك ۇيىم
