Tálipter kúıeýine opasyzdyq jasaǵan áıelderdi taspen urý jazasyna kesedi. Bul týraly The Guardian jazdy, dep habarlaıdy «Adyrna» tilshisi.
«Jaqynda zına jasaǵandarǵa arnaıy jaza qoldanatyn bolamyz. Bizdiń sheshimimiz demokratııalyq prınıpterińizge qaıshy keletindikten, siz ony áıelderdiń quqyqtaryn buzý dep ataýyńyzǵa bolady. Biraq men Allanyń ókilimin, al siz shaıtannyń ókilisiz», - dedi tálipterdiń kóshbasshysy mýlla Haıbatýlla Ahýnzada.
Aıta keteıik, «Talıban» dinı qozǵalysy 2021 jyly el bıligine oralǵannan keıin kóp nársege shekteý qoıǵan edi. Qyzdarǵa jáne áıelderge mektep pen ýnıversıtetke, sportzalǵa barýǵa tyıym salyndy.
2023 jyldyń shildesinde tálipter kópshilik aldynda mýzykalyq aspaptardy órtep jiberdi. Olar mýzykanyń moraldyq quldyraýǵa aparatynyn málimdedi.
Al 2023 jyldyń jeltoqsanynda Qazaqstan «Talıbandy» tyıym salynǵan uıymdar tiziminen alyp tastady.
