2022 جىلدىڭ ءبىرىنشى جارتىجىلدىعىندا يپوتەكانى ەرلەردەن گورى ايەلدەر ءجيى راسىمدەگەن، دەپ حابارلايدى "ادىرنا".
Krisha.kz مالىمەتىنشە، قازاقستانداعى يپوتەكالىق قارىز الۋشىلاردىڭ جارتىسىنان كوبى – ايەلدەر، ولارعا بەرىلگەن قارىزداردىڭ 55%-دان استامى تيەسىلى. يپوتەكا راسىمدەگەن ايەلدەردىڭ 25%-ى – 30-44 جاستاعىلار. ال 12%-ى – 30 جاسقا دەيىنگى ايەلدەر جانە 18%-ى – 45 جاستان اسقاندار.
ال يپوتەكالىق قارىز العان ەرلەردىڭ 14,6%-ى – 30 جاسقا دەيىنگىلەر.30-44 جاستاعىلار يپوتەكا راسىمدەۋشىلەردىڭ 21,2%-ىن قۇراسا، 9,3%-ى – 45 جاستان اسقار ەرلەر.
يپوتەكا راسىمدەگەندەردىڭ كوبىنەسە 15-20 ملن تەڭگە (بارلىق كولەمنىڭ 24,8%-ى) نەسيە العان. 10-15 ملن تەڭگەدەن از العانداردىڭ ۇلەسى – 21,9 %
ساراپشىلار وتكەن جىلدارمەن سالىستىرعاندا اي سايىنعى تولەمدەر كولەمىنىڭ تومەندەگەنىن اتاپ ءوتتى. بۇل نەسيە بەرۋ مەرزىمىنىڭ ۇلعايۋىنا بايلانىستى.
ەگەر 2021 جىلى ورتاشا كورسەتكىش 145,3 مىڭ تەڭگە بولسا، 2020 جىلى – 155,7 مىڭ بولسا، بيىلعى جىلدىڭ التى ايىندا – 136,1 مىڭ تەڭگە.
