قازاقستان ارمياسىنىڭ ايەلدەردى اسكەري قىزمەتكە شاقىرۋعا شاماسى جوق، دەپ حابارلايدى "ادىرنا" پورتالى. بۇل تۋرالى قر قورعانىس ءمينيسترى رۋسلان جاقسىلىقوۆ مالىمدەدى.
«ايەلدەردى اسكەري قىزمەتكە شاقىرۋ ماسەلەسىن ءالى قاراستىرعان جوقپىز. وفيتسەرلەر (ايەلدەر - قازتاگ) ءبىرىنشى كەزەكتە دارىگەرلەر جانە باسقا دا سالالارعا شاقىرىلادى، ويتكەنى ايەل اسكەري قىزمەتشىلەر ءۇشىن اسكەردىڭ ءسال وزگەشە جاعدايلارىن قامتاماسىز ەتۋ قاجەت. بۇل ينفراقۇرىلىم ماسەلەسى. ازىرگە، ارميانىڭ شاماسى جوق»، - دەدى جاقسىلىقوۆ سارسەنبى كۇنى ماجىلىستە دەپۋتاتتاردىڭ ساۋالدارىنا جاۋاپ بەرە وتىرىپ.
ونىڭ ايتۋىنشا، قازاقستاندىق ارميادا ايەلدەر قاتارىنان كەلىسىم-شارت بويىنشا جەكە ساناتتاعى قىزمەت اتقاراتىن قىزمەتكەرلەر، ەڭ الدىمەن مەديتسينا قىزمەتكەرلەرى، سيگنالشىلار، راديوتەلەگرافشىلار، كەڭسە قىزمەتكەرلەرى جانە قارجى قىزمەتكەرلەرى بار. ەگەر ەر ادام 18 جاستا قىزمەت ەتە باستاسا، ايەلدەر 19 جاستا كەلىسىمشارتقا وتىرادى.
«بيىل اقتوبە اۆياتسيا ينستيتۋتىنا، اسكەري مەديتسينا فاكۋلتەتىنە 20 قىزدى قابىلدادىق. ولارعا جاعداي جاساۋ ءۇشىن بۇكىل ەدەندى دايىندادىق»، - دەپ قوستى جاقسىلىقوۆ.
